Dyan 12:40 - I Falami Kasafnè (New Testament)

⁴⁰ “Ta bnutè Dwata i matala tà ale mite, na ta snafangan i fandamla tà ale galmabat du fye là gsalu ale di do fye fan-gulêgu ale.”

Dyan 12:40 ပူးပေါင်းရင်းမြစ်များ

Matyu 15:14

Bayàyu dad Farisi ayé. Balù ku malak ale, salngad ale i dad to butè malak i dademela butè. Na ku yé salak slame butè, sdulê ale tatek di sol.”

Mark 4:12

du fye balù ku meye ale, knèan là mite ale, na balù ku lminge ale, knèan là galmabat ale, tà ale msal na fnasinsya Dwata i dad salàla.”

Mark 6:52

du balù ta teenla i gamtikeng nimòan di fan ayé, bay là glabatla, du là fa mgukà i fandamla.

I Fye Tulen Gablà ku Dyisas Krayst, i Sulat Luk 4:18

“Yé samnagin di do i Mtiu Tulus du ta nalékan agu tamdò i Fye Tulen di dad to landè. Ta dekan agu tmulen gablà di kagalwà i dad to di blanggù na gablà di kafgulê i dad to butè. Na ta dekan agu tmabeng i dad to maflayam.

I Fye Tulen Gablà ku Dyisas Krayst, i Sulat Luk 8:10

Na talù Dyisas, manan, “Faglabatgu di gamu i dad gbuni gablà di Kagot i Dwata. Bay di dademe dad to, fagugu di fléd i dad tdògu du fye balù ku meye ale, là mite ale, na balù ku lminge ale, là galmabat ale.

Dyan 12:39

Na salngad di ta tulen Isaya, là ti gaftoo ale, du manan,

Dyan 9:39

Na man Dyisas, “Salu agu dini di tah tanà du mukum. Nè i to là mite, tnabenggu kenen fye mite. Bay nè i to man nawan ta mite, bnutègu.”

Dad Nimò 15:3

Na ta fdàla ale Pol, na di kagula di Fonisya na Samarya, tulenla di dale i ta kaftoo dad to ise Dyu. Na di kaklinge dad to ftoo di ku Dyisas, too ale lehew.

Dad Nimò 28:26

‘Gatù ge di dad to ayé, na ani manam di dale, “Balù dét i kaflingeyu, là ti galmabat gamu. Balù dét i keyeyu, là ti mite gamu.”

Dad Nimò 3:19

Yé duenam man, msal gamu na samfulê gamu di Dwata du fye Inanasan i dad salàyu,

Roma 9:18

Taman, kando Dwata i knayèan kando, na fagéngan i knayèan fagéng.