Dyan 11:53 - I Falami Kasafnè (New Testament)

⁵³ Na mdà di du atù, mngabal kfagu i dad ganlal i dad Dyu fmati ku Dyisas.

Dyan 11:53 ပူးပေါင်းရင်းမြစ်များ

Matyu 12:14

Bay i dad Farisi, lamwà ale, na santulenla ku dét kibò kfatila ku Dyisas.

Matyu 16:21

Na mdà di du ayé, tambù Dyisas fgadè di dad to galan tdò gablà di fan mkel di kenen, manan, “Là ti fakay ku là gatù agu di Dyérusalém, na dee kaflayam mkel di do ditù mdà di dad tua gal mebe i dad to, na i dad ganlal di kafaglut, na dad to gal tamdò i dad uldin Dwata fagu di ku Mosis. Na fnati dad to agu, bay lê agu mték di gatlun du.”

Matyu 22:46

Na landè gamtimel, na mdà di du ayé, ta landè lê mlas smalek kenen.

Matyu 26:4

Na yé santulenla déé ku dét i fye kibòla kamfè ku Dyisas du fafatila di landè to gmadè dun.

Matyu 26:59

Na i dad ganlal di kafaglut i dad Dyu na kdee dademe dad ganlal, too ale meye kfagu gutadagla tmifù na fafati ku Dyisas.

Mark 14:1

Na ta lo lwe butang gdè kakel i Du Kaglius na i Fista Kakaan i Fan Landè Bulung Falnok Dun. Na mdà dad ganlal di kafaglut i dad Dyu na i dad to gal tamdò i dad uldin Dwata fagu di ku Mosis, mngabal ale kfagu kamfè ku Dyisas na fmati kenen di landè to gmadè dun.

Mark 3:6

Bay gasil lamwà dad Farisi, na stifun ale magin di dad to gsen di ku Harì Hérod, du santulenla ku dét i kibòla fmati ku Dyisas.

Dyan 11:47

Na yé duenam man, stifun dad ganlal di kafaglut i dad Dyu na i dad Farisi magin di dad mdatah mukum, na stulen ale, manla, “Dét i fye nimòto dé? Ta dee tnikeng nimò i to ayé.

Dyan 12:10

Yé duenam man, i dad ganlal di kafaglut i dad Dyu, lêla santulen i kibò fmati ku Lasarus,

Dyan 7:1

Kafnge ayé, lanngab Dyisas i probinsya Galili. Ta là mayèan lamngab di Dyudiya du fanngabal kenen i dad ganlal i dad Dyu du kayèla fnati.

Dad Nimò 5:33

Na kanto linge dad ganlal i man Piter, too ale falbut, na kayèla fafati i dad to dek Dyisas.

Dad Nimò 9:23

Na kafnge i dee du mlius, ta satul i dad Dyu du fnatila Sol,