Dyan 11:28 - I Falami Kasafnè (New Testament)

²⁸ Na kafnge Marta man dun ayé, ta mdà kenen, na tlon Méri di lo dale, na manan di kenen, “Ta dini Sér, na fanngabalan ge.”

Dyan 11:28 ပူးပေါင်းရင်းမြစ်များ

Matyu 26:18

Na man Dyisas di dale, “Mdà gamu salu di satu lagi mnè di syudad, na manyu di kenen, ‘Yé man i To Tamdò na ta kel i bangan dmohò i kdee ta gmanan, na yé gukmaanan kun di lam gumnèam magin dad to galan tdò.”

Mark 10:49

Na yé duenam man, tadè fanak Dyisas, na manan, “Tloyu kenen.” Taman, tlola i to butè ayé, manla, “Fan-galam nawam. Tadag ge. Tlo Dyisas ge.”

Mark 14:14

Na ku kel gamu di gumnè gufusukan, manyu di to mfun i gumnè ayé, ‘Yé snalek i to gal tamdò, “Nè snifil i fakaymi gukmaan di fista i Du Kaglius magin i dad to galgu tdò?” ’

I Fye Tulen Gablà ku Dyisas Krayst, i Sulat Luk 22:11

Na ku ta kel gamu déé, manyu di to mfun i gumnè, ‘Yé snalek i To gal tamdò, “Nè snifil i fakaymi gukmaan di fista i Du Kaglius magin i dad to galgu tdò?’ ”

Dyan 1:41

Na gasilan fanngabal Simon, i flanekan. Na kanton teen, manan dun, “Ta teenmi i Mésaya.” (Na yé gumtatek Mésaya dunan Krayst, i Mgalék Dwata.)

Dyan 1:45

Na fanngabal Filip Natanyél. Na kanton teen, manan dun, “Ta teenmi i to man Mosis di ksulatan i uldin Dwata, na lê man i dademe tugad i Dwata di munan, dunan Dyisas mdà di banwe Nasarét, i ngà Dyosip.”

Dyan 10:3

Na mdà i to mantay takab, nukàan du fafusukan i to mifat dad bilibili. Na falninge dad bilibili i talùan, na tlon dagit i kat satu bilibilin, na nalakan ale lamwà.

Dyan 11:20

Na kanto linge Marta na ta fan kel Dyisas, ta gasil kenen lamwà du snitongan, bay fanak Méri di lam i gumnè.

Dyan 11:29

Di kaklinge Méri, ta tadag, na sagwê lamwà du snitongan Dyisas.

Dyan 11:30

Là fa gafat Dyisas di lunsud, bay sana kdéén di gusmitong Marta dun.

Dyan 13:13

Yé katloyu do, ‘Sér’ na ‘Amu,’ na too sa i manyu du do sa i dunan.

Dyan 20:16

Na man Dyisas di kenen, “Méri.” Na smalu kenen di ku Dyisas, na manan di Hibru, “Raboni.” Yé gumtatekan dunan, “To Tamdò.”

Dyan 21:7

Na i satu to too kanbong nawa Dyisas, manan ku Piter, “Amuto sa ayé.” Na kanto gadè Simon Piter na Dyisas kadì i tadag déé, ta lsakan i saulan, (du là smaulan gine), na faltò di lam i éél, na fles kmahung salu di ku Dyisas.

1 Tésalonika 5:11

Taman, satgal gamu nawa, na stabeng gamu, salngad di ta nimòyu.

Hibru 12:12

Taman, fakgisyu i dad sigalyu na i dad bukalyu ta mlungay.