Dyan 1:32 - I Falami Kasafnè (New Testament)

³² Na lê talù Dyan, manan, “Teen-gu Tulus i Dwata tufa mdà di langit gambet abun, na mnè di kenen.

Dyan 1:32 ပူးပေါင်းရင်းမြစ်များ

Matyu 3:16

Na kanto fbunyag Dyisas, di kalwàan di lam éél, tadè mgukà i langit, na teenan i Tulus Dwata tufa na mdaf di kenen gambet abun.

Mark 1:10

Kanto kenen fbunyag, di kalwàan di lam éél, ta teenan i langit mgukà. Na lêan teen i Mtiu Tulus tufa na mdaf di kenen gambet abun.

I Fye Tulen Gablà ku Dyisas Krayst, i Sulat Luk 3:22

Na ta tufa i Mtiu Tulus gambet abun na mnè di kenen. Na nun talù mdà di langit, manan, “Ge i Ngàgu toogu kando. Too fye nawagu ge.”

Dyan 1:31

Balù do di munan, là dilègu dun, bay knèan gadini agu munyag di éél du fye fdilègu kenen di dad to Israél.”

Dyan 1:7

du tmulen di dad to gablà di Salò ayé du fye ftoo ale di kenen.

Dyan 5:32

Bay nun fa satu tmulen gablà di do, na gadègu na i kdee manan gablà di do slame glut.