Dyan 1:14 - I Falami Kasafnè (New Testament)

¹⁴ Na kanto mbaling to i Tnalù ayé, ta mnè kenen di safédmi na ta teenmi i kdatahan, na too sikof i kafyen na i kaglutan. Gdawatan i kdatah ani du lo kenen sen Ngà Màan.

Dyan 1:14 ပူးပေါင်းရင်းမြစ်များ

Matyu 1:16

Na Dyékob i mà Dyosip, i yaan Méri, dunan i yê Dyisas, i dnagit Krayst.

I Fye Tulen Gablà ku Dyisas Krayst, i Sulat Luk 2:11

Di mdu ani, ta sut di banwe Dabid i Falwà, dunan Krayst i Amuto.

I Fye Tulen Gablà ku Dyisas Krayst, i Sulat Luk 2:7

Yé duenam man, ta sut i tnanin ngàan na lagi. Na lnabédan falnas i laweh i ngà, na yé gufilèan dun di gufamkaan i dad lmanaf, du ta là sfayu ale di gal gumnè gumilè i dad to magu.

I Fye Tulen Gablà ku Dyisas Krayst, i Sulat Luk 9:32

Na ta kudang ale Piter, Dyém, na Dyan, bay kanto ale mukat, teenla i kneng Dyisas na i dad lwe to tadag di safédan.

Dyan 1:1

Di kyeh, di fa landè mgimò balù détan, ta sana nun Tnalù. Sagin ale i Dwata, na Dwata kenen.

Dyan 11:40

Bay man Dyisas di kenen, “Ta manta ge sa ku ftoo ge, ta kitem i kaltulus Dwata.”

Dyan 14:6

Na man Dyisas di kenen, “Do sa i dalan, na i kaglutan, na i nawa. Landè to gsalu di ku Mà ku là funan magu di do.

Dyan 14:9

Bay man Dyisas di kenen, “Filip, ta mlo agu sa dini di safédyu, bay sana là toom kdilè do? Nè to mite do, ta lêan teen Mà. Na kan ku manam di do, ‘Fitem gami i Mà?’

Dyan 17:22

Ta banlégu ale kdatah salngad i kdatah ta blém di do du fye masasatu ale salngad gite.

Dyan 17:24

Mà, ta blém di do sa i dad to ani. Yé kayègu ku magin ale di do balù nè gumnègu du fye teenla i kdatah ta blém di do du ta sana bong nawam do di laman là fa mgimò i klamang banwe.

Dyan 18:37

Na lê snalek Pilato kenen, manan, “Kan? Harì ge kè?” Na tmimel Dyisas, manan, “Ta manam sa. Harì agu. Yé duen-gu sut na salu dini di tah tanà du fgadègu gablà di kaglut. Nè to msen i kaglutan, flinge di do.”

Dyan 2:11

Yé tnanin tnikeng nimò Dyisas du fye fiten i kdatahan, taman, ta ftoo di kenen i dad to galan tdò. Na ditù gumimòan dun di lunsud Kana di Galili.

Dyan 3:16

Du mdà di too kalbong nawa Dwata i kdee dad to di klamang banwe, blén i sen Ngàan du fye nè i to ftoo di kenen, là ti malmon, bay gfunan nawa landè sen.

Dyan 3:18

“Na nè to ftoo di Ngà i Dwata, ta là falnayam Dwata dun, bay nè to là ftoo di kenen, ta nukum di kaflayam du là fantoon i sen Ngà Dwata.

Dyan 6:51

Do sa i knaan tufa mdà di langit, i mlé nawa. Na nè i to kmaan i knaan ani, mlawil kel di landè sen. Na yé knaan blégu dunan i lawehgu du fye mlawil i dad to di klamang banwe.”

Dyan 8:32

Na gadèyu i kaglut, na i kaglut falwà gamu di kagfasakyu.”

Dad Nimò 13:33

Na Dwata dmohò dun di gito dad bella fagu di ktékan ku Dyisas di fati, salngad i ta gsulat di galwe Salmo, manan, ‘Ge i Ngàgu, na do i Màam.’

Roma 8:3

I là gimò i uldin du mdà di klungay i to tanà, yé nimò Dwata. Nukuman i salàto fagu di kdekan i Ngàan salu dini du fbaling to tanà du fye gafalmon i salà.

Roma 9:5

Dale dad bel Abraham na i dademe gutambulla, na mdà di dad bella, sut Krayst, i Dwata magot kalbong kdee na magdayen kel di landè sen. Amén.

1 Korintu 15:47

I tnanin to, mdà di tanà, bay i galwen mdà di langit.

2 Korintu 12:9

Bay ani timelan di do, manan, “Too sikof sa i ktabengta ge, du ku mnè ge di klungay, yé klom mite i kaltulusgu.” Taman, lehew agu mdag i dad gumlungaygu, du fye galyalogu i kaltulus Krayst tmabeng do.

Galasya 4:4

Bay kanto kel i bang ta fala nalék Dwata, dekan i Ngàan sut di satu libun, na glam kenen di dad Dyu mgebe i uldin,

Ifisu 3:8

Na balù ku too agu mdanà di kdee dad to nfun Dwata, knèan ta blé Dwata di do i gnagan tamdò di dad to ise Dyu gablà di too bong kafye blé Krayst di gito.

Kolosas 1:19

Du yé kayè Dwata teen i kenen kagkah di ku Krayst.

Kolosas 2:3

Kenen i kunsì mukà i kalbong kfulung na kaglabat i Dwata.

Kolosas 2:9

Na tooyu fnè ani di fandamyu, i kalbong kdee kagkah Dwata, slame teen déé di ku Krayst.

1 Timoti 3:16

Na landè gambalew gablà di kafye i ta fgadè Dwata gablà di fantooto: Fbaling to Dyisas, na yé fgadè i Mtiu Tulus too tluh Dyisas, na teen kenen dad kasaligan i Dwata. Na tamdò ale gablà di kenen di dad banwe, na nun ftoo di kenen dini di tah tanà. Na ta mbatun kenen ditù di langit.

Hibru 1:3

I kdatah Dwata, teen di Ngàan, na too salngad kagkahan di kagkah Dwata, na kenen magot i klamang banwe fagu di too maltulus talùan. Di kafngen malob dad salà i dad to, ta sudeng kenen gsen di kwanan i Dwata ditù di langit.

Hibru 1:5

Du là lmen Dwata man di balù satu kasaligan, “Ge i Ngàgu, na di mdu ani, ta mgimò agu i Màam.” Du ise dad kasaligan gugtadè di kmanan ani, “Do i Màan, na kenen i Ngàgu.”

Hibru 10:5

Taman, di fan ksalu Krayst dini di tah tanà, manan di Dwata, “Ise ku lmanaf na dad tadè blé i knayèam, bay nun tagàam do laweh du dsù.

Hibru 2:11

Du i Ftiu na i dad ftiun, lo satu Màla, taman là myàan tamlo dale dad flanekan.

Hibru 5:5

Na salngad déé, là tan-gaad Krayst malék i kton mgimò Mdatah Mnè di Bleng, bay Dwata malék kenen, manan, “Ge i Ngàgu, na di mdu ani, fgadègu na do i Màam.”

1 Dyan 4:14

Na ta teenmi i Ngà Dwata, na yé tulenmi ta dek Dwata Mà i Ngàan dini di tah tanà du fye falwàan i dad to.

1 Dyan 4:9

Na ani kibò Dwata fite i kakdon di gito, dekan i sen Ngàan dini di tah tanà du fye gfunto nawa landè sen fagu di kenen.

2 Dyan 1:7

Du dee dad to famgaw ta kel di klamang banwe. Là fantoola i kafbaling Dyisas Krayst to. Dunan ayé i dad to famgaw na dmuen ku Krayst.

Ta Fite 19:13

Na ta lnab i saulan di litè, na yé dagitan, “Tnalù i Dwata.”

Ta Fite 21:3

Na lê nun lingegu mgal talù mdà di trunu, manan, “Mdà di du ani, yé ta gumnè Dwata di saféd i dad to. Na mgimò ale i dad ton, na mnè kenen di safédla, na mgimò kenen Dwatala.