Dad Nimò 8:4 - I Falami Kasafnè (New Testament)

⁴ Na i kdee dad to ftoo i ta masbalét ayé, gatù ale di dad sahal banwe du tdòla i Tnalù Dwata.

Dad Nimò 8:4 ပူးပေါင်းရင်းမြစ်များ

Matyu 10:23

Na kaflingenta dun, ku falnayamla gamu di satu banwe, milah gamu di dademe banwe. Na too glut i man-gu di gamu ani, na là fa galngabyu i kdee dad syudad di Israél, ta kel agu, dunan i dnagit Ngà To.

I Fye Tulen Gablà ku Dyisas Krayst, i Sulat Luk 1:2

Na i dad sulatla ayé, ta tulen i dad to gal mite dun mdà di kagatbùan, na dale i dad to gal tmulen i Tnalù Dwata.

Dad Nimò 11:19

Di kasbalét i dad to ftoo ku Dyisas du mdà di kaflayam ta tambù di du kfati Stifén, nun di dale gafat di Fonisya, Sipru, na Antyuk, na lo yé tdòla i dad Dyu.

Dad Nimò 15:35

Na beg mlo ale Pol na Barnabas fanak déé di Antyuk, na dee dad to magin dale tamdò i Tnalù Dwata.

Dad Nimò 8:1

Na nagin Sol i ayè i dad to fmati ku Stifén. Na di du kfatila ku Stifén, yé ta katbù i too sasè kaflayam i dad to ftoo di ku Dyisas di Dyérusalém. Taman, ta sbalét i kdeela di dad probinsya di Dyudiya na Samarya, na lo yé tagak di Dyérusalém i dad to dek Dyisas.

Dad Nimò 8:12

Bay kanto ftoo dad to di tdò Filip i Fye Tulen gablà di Kagot Dwata, na i dagit Dyisas Krayst, ta fbunyag i dad lagi na dad libun.

1 Tésalonika 2:2

Na ta gadèyu di lammi là fa gadéé di gamu, ta falnayam na nadoy dad to gami ditù di Filipus, bay knèan tan-gal Dwata i nawami tamdò gamu i Fye Tulenan, balù ku dét i kafnang dad to gami.