Dad Nimò 19:10 - I Falami Kasafnè (New Testament)

¹⁰ Lwe fali i klon mimò ayé, taman i kdee dad to di kabal Asya, sdulê ale lminge i Tnalù Dwata, dad Dyu na dad ise Dyu.

Dad Nimò 19:10 ပူးပေါင်းရင်းမြစ်များ

Dad Nimò 13:12

Na kanto teen i gubirnador i mkel di ku Ilimas, ta ftoo kenen di ku Dyisas du too tikeng di katdò ale Sol gablà di Amuto.

Dad Nimò 16:6

I Mtiu Tulus, fnangan ale Pol tamdò di Asya. Na ta mdà ale magu di Frigya na Galasya.

Dad Nimò 18:11

Taman, yé klo Pol fanak déé sfali tngà, na tdòan ale i Tnalù Dwata.

Dad Nimò 18:4

Di kat Du Kaftud, salu Pol di gumnè gustifun i dad Dyu, du fbatengan di dad to i Tnalù Dwata du fye mgeben di kaftoo ku Dyisas i dad Dyu na dad Grik.

Dad Nimò 19:20

Na yé gumdà i Tnalù Dwata too mbel, na matnù i kdee dad to ftoo di ku Dyisas.

Dad Nimò 19:22

Na nun lwe to gal tmabeng kenen, na dekan ale muna gatù di Masidunya. Yé dagit i dad to ayé dunan Timoti na Irastu. Bay Pol, funa kenen fanak di Asya là mlo.

Dad Nimò 19:8

Na tlu bulen Pol sigi fusuk di gumnè gustifun i dad Dyu. Na too kenen labè stulen di dad to gablà di Kagot i Dwata du yé kayè i nawan ku mgebe ale.

Dad Nimò 2:9

Du sahal sa i dad banwe gumdàto. Nun mdà di Parsya, Midya, Ilam, Mésopotamya, Dyudiya, Kapadosya, Pontu, Asya,

Dad Nimò 20:18

Na kanto kel dad ganlal déé, man Pol di dale, “Ta gadèyu sa i ldamgu mdà di du kakelgu di Asya mnè di safédyu.

Dad Nimò 20:31

Na yé duenam man, too gamu fgeye. Na nangyu glifet ta tlu fali klogu sigi tamdò gamu kifuh na mdu, na là ti tlag agu falmau gamu, na nun lwakgu maloh.

Dad Nimò 6:9

Bay nun dad to mnang ku Stifén, dunan i dad Dyu mdà di gustifun dnagit Gustifun i Dad Fasak Ta Falwà. Yé gumdàla di Sirini na Alihandriya na lê man i dademe dad banwe di Silisya na Asya. Dale i sambalew ku Stifén,

Roma 1:16

Là kanyàgu i Fye Tulen, du yé gumite i kdatah Dwata falwà i kdee dad to ftoo, muna i dad Dyu, na lê man i dad ise Dyu.

Roma 10:12

I kdee glam dini, du landè gusahal i dad Dyu na i dad ise Dyu. Du i Dwata, Amu i kdee, kenen mlé kafye di kdee tamlo di kenen.

Roma 10:18

Bay nun snalekgu. Glut kè, là lingela i tdò? Yé man i Tnalù Dwata ta lingela, “Ta gafat di klamang banwe i talùla, na i tdòla.”

Galasya 3:28

Na gito dad to ta ftoo di ku Krayst Dyisas, ta landè gusahalto, balù ku Dyu ku demen ise Dyu, balù ku fasak ku demen ise fasak, balù ku lagi ku demen libun, du i kdeeto ta masasatu di ku Krayst Dyisas.

Kolosas 3:11

Na yé duenam man, ta landè gusahal i Dyu na ise Dyu, i to nun ilè di lawehan, na i to landè ilè, i to nun gnadè, na i landè gnadè, i fasak, na i ise fasak. Ta là mabtas i kdee ayé. Lo yé mabtas Krayst, i ta mnè di kdeeto.

2 Timoti 1:15

Ta gadèam na i kdee dademegu dini di Asya ta tnagakla agu, balù ale Figilu na Hérmohinis, lêla agu tnagak.

1 Piter 1:1

Do, Piter, gumdà i sulat ani, i satu to dek Dyisas Krayst. Na yé gugtadèan di dad to ta nalék Dwata flo masbalét di dad banwe Pontu, Galasya, Kapadosya, Asya, na Bitinya.

Ta Fite 1:11

Na ani manan di do, “Sulatam i teenam, na febem di dad to ftoo ku Dyisas di dad fitu syudad, dunan di Ifisu, na Smirna, na Pirgamu, na Tiyatira, na Sardis, na Filadélfya, na lê man di Lawdisya.”

Ta Fite 1:4

Mdà di ku Dyan salu di dad fitu simbahan glam di Asya. Mulà moon gamdawat gamu kafye na ktanak nawa mdà di Dwata, dunan i Dwata mdà di munan, kel di mdu ani, na kel di landè sen, na lê man mdà di Mtiu Tulus déé di kanfe Dwata, dunan i fite kaltulusan di fitu kfagu,