Dad Nimò 10:9 - I Falami Kasafnè (New Testament)

⁹ Di tmadol du, kanto fan ltu du, ta mdadong ale di Dyopa. Na Piter, myak kenen di tah ataf i gumnè du dmasal.

Dad Nimò 10:9 ပူးပေါင်းရင်းမြစ်များ

Matyu 20:5

Taman, ta mdà ale. Na di ltu du na lê man di tngà masol i du, lê salngad ayé i nimòan di dademe dad to teenan.

Matyu 24:17

Na ku nun to ditù di tah ataf i gumnèan, fye ku ta nang kenen lê tufa du mwè i dad knunan.

Matyu 27:45

Na mdà di ltu du kel di tngà masol i du, tadè kmifuh i klamang banwe.

Matyu 6:6

Bay ku dmasal gamu, fusuk gamu di snifilyu, na tnakabyu, na dmasal gamu di Màyu Dwata i là teen. Na fagu déé, yé mite i nimòyu di gugbunin i Màyu, na banlén gamu lubay.

Mark 1:35

Na too flafus di tmadol du, di fa làan too malwa, ta mték Dyisas, na mdà kenen salu di satu banwe landè to mnè ditù du dmasal.

Mark 6:46

Na kafngen fdà dad to, mnagad kenen di satu bulul lon satu du dmasal.

Dad Nimò 10:3

Na di satu du, kanto tngà masol i du, nun kanteenan satu kasaligan i Dwata fdadong di kenen, manan, “E Kornilyu.”

Dad Nimò 6:4

du fye lo yé nimòmi dmasal na tamdò i Tnalù Dwata.”

Ifisu 6:18

Na di kdee ayé gine, too gamu dmasal mni tabeng di Dwata. Na balù dét mkel di gamu, too gamu dmasal fagu di kalak i Mtiu Tulus. Na too gamu fgeye, na nang gamu ftakas. Na tooyu dnasal i kdee dad to Dwata.

1 Timoti 2:8

Na, yé kayègu ku dmasal dad lagi di kdee dad banwe, kayangla i sigalla mebe katluh. Na là fakay ku mebe ale kalbut, ku demen kasbalew di dademe to.