2 Timoti 2:11 - I Falami Kasafnè (New Testament)

¹¹ Na too ti glut i man ani: “Ku gagin ato di kfati Dyisas, lê ato mnè di safédan.

2 Timoti 2:11 ပူးပေါင်းရင်းမြစ်များ

Dyan 14:19

Di là mlo ani, i dad to nfun i banwe, ta là teenla agu. Bay gamu, teenyu agu, na du mlawil agu, lê gamu mlawil.

Roma 6:5

Du ta sasatu ato di kfatin, ta lê ato sasatu di ktékan.

Roma 6:8

Du ta mati ato magin ku Krayst, fantooto lê ato mto magin kenen.

2 Korintu 13:4

Balù landè gal Krayst di kfatin di krus, bay lê mték mdà di kaltulus Dwata. Na mdà di ksasatumi di kenen, lê landè galmi, bay gagin gami di kenen fagu di kaltulus Dwata teenyu di katdòmi gamu.

2 Korintu 4:10

Galmi galyalo di lawehmi i kfatila ku Dyisas, du fye lê teen di gami i klawilan.

1 Tésalonika 4:17

Na kafnge ayé, gito dad to mlawil fa dini di tah tanà, magket ato salu di dad labun du sagin di dad to ta nték du snitongto Dyisas i Amuto di tah. Na mnè ato di saféd i Amuto kel di landè sen.

1 Tésalonika 5:10

Yé duen Dyisas mati du kenen i tlasto du fye masasatu ato mnè di safédan balù ku ta mati demen ku là di kasfulêan.

1 Timoti 1:15

Nun satu talù too gablà fantoo i kdee, dunan ani, salu Krayst Dyisas dini di tah tanà du falwàan i dad to gamsalà, na do sa i too sasè di kdee.

1 Timoti 3:1

Too ti glut i man ani: Nè i to mayè mbaling ulu di simbahan, kayèan mimò i fye nimò.

Titus 3:8

Na too ti glut i man-gu ayé. Yé kayègu ku toom tdò i kalbong kdeen du fye i dad to ftoo di Dwata déé, toola fkah di nawala i kafduf mimò fye. Na i dad tdògu ayé too fye, na nun gukmamu i dad to dun.