2 Piter 1:7 - I Falami Kasafnè (New Testament)

⁷ Na tnùyu di kagbetyu i adat Dwata i kasakdo salngad di saflanek, na tnùyu di kasakdoyu i kasalbong nawa.

2 Piter 1:7 ပူးပေါင်းရင်းမြစ်များ

Roma 12:10

Too gamu salbong nawa du ta saflanek gamu di ku Krayst, na too gamu safè.

Galasya 6:10

Na yé duenam man, too ato fakgis mimò fye di kdee dad to, matnù fa di dademeto saflanek di kaftooto di ku Dyisas.

Kolosas 3:14

Na mabtas di kdee, too gamu sakdo du yé sambakas gamu fye nun ksasatu nawayu.

1 Tésalonika 3:12

Na yé lêmi knayè ku tananù Dwata i kasakdoyu di kat satu gamu dad ftoo, na di kdee to du fye salngad kasakdoyu di kakdomi gamu.

1 Tésalonika 5:15

Na ilè ku nun to mimò sasè di gamu, nangyu bnalas. Bay yé nimòyu i fye di kat satu gamu, na di kdee dad to.

Hibru 13:1

Too gamu fadlug di kasalbong nawa du ta saflanek gamu ku Krayst.

1 Piter 1:22

Ani, ta mlaneb gamu mdà di kimenyu i kaglut, na ta nun glut kasakdoyu di dademeyu ftoo. Taman, too gamu salbong nawa mdà di foon i nawayu.

1 Piter 2:17

Nafèyu i kdee dad to, kandoyu i dademeyu ftoo, kalnikòyu i Dwata, na nafèyu i ulu i kdee dad ganlal.

1 Piter 3:8

Taman, tooyu sanngad i fandamyu na i galyaloyu. Salbong gamu nawa du ta saflanek gamu. Na sakdo gamu, na fdanàyu i ktoyu di dademeyu.

1 Dyan 3:14

Gadèto na ta gliusto i fati, na ta mnè ato di falami nawa. Na yé gugmadèto dun du kanbongto nawa i dademeto to. Bay i to là kanbongan nawa i dademen, sana knèan di fati.

1 Dyan 3:16

Na ani gumiteto i too glut kasalbong nawa di ku Dyisas Krayst du fafati kenen mdà di kalbong nawan gito. Na yé duenam man, gten ato fafati mdà di kalbong nawato i dademeto to.

1 Dyan 4:21

Ani uldin ta blén di gito: nè to kandon i Dwata, lêan kando i dademen to.