2 Piter 1:1 - I Falami Kasafnè (New Testament)

¹ Do, Simon Piter, gumdà i sulat ani, i satu snalig na dek Dyisas Krayst. Na yé gugtadèan di dad to ta gamdawat i mabtas kaftoo salngad di gami, du mdà di katluh i Dwata na Dyisas Krayst, i Falwà.

2 Piter 1:1 ပူးပေါင်းရင်းမြစ်များ

Matyu 10:2

Ani dagit i dad sfalò lwe to dekan. Yé tnaninan Simon, dunan i dnagit Piter, na i flanekan Andru, na Dyém na Dyan, dunan i dad ngà Sébidi,

Matyu 4:18

Di satu du, magu Dyisas di kilil i bong lanaw Galili, na nun teenan lwe lagi saflanek. Yé dagit i satu Simon Piter, na i flanekan Andru. Na yé nimòla fmukat ale du yé knalamla nimò.

I Fye Tulen Gablà ku Dyisas Krayst, i Sulat Luk 1:47

na too bong klehewgu mdà di Dwata, i Falwà do,

I Fye Tulen Gablà ku Dyisas Krayst, i Sulat Luk 11:49

Na yé duenam man, mdà di kgadè Dwata, ani manan, ‘Banlégu ale dademe dad tugadgu, na i dademe dad to dekgu. Bay balingla fnati i dademe na falnayamla i dademe.’

Dyan 1:42

Na nebe Andru Simon salu ku Dyisas. Na kakella ditù, too falnunu Dyisas Simon, na manan, “Ge sa Simon i ngà Dyan. Bay mdà ani, yé dagitam Sifas.” (Salngad i gumtatek i dad dagit Piter na Sifas, dunan “Batu.”)

Dyan 12:26

Nè to mayè fafasak di do, là fakay ku làan tmadol di do, du fye balù ku nè agu, déé kenen di safédgu. Na nè to fafasak di do, dag Mà kenen.”

Dyan 20:21

Na lê man nulit Dyisas i manan di dale, “I ktanak nawa mnè di gamu. Dekta gamu salngad di kdek Mà do.”

Dad Nimò 15:14

Ta tulen Simon Piter di gito gablà di tnanin kfite Dwata i kakdon di dad to ise Dyu du nun dad to nalékan di blengla i knayèan nfun.

Roma 1:1

Do, Pol, gumdà i sulat ani, satu snalig Krayst Dyisas, na satu dek ta nalék na ta tlo Dwata tamdò i Fye Tulen.

Roma 1:12

Ani kayègu man, satgal ato di kaftoo.

Roma 1:17

Du fite i Fye Tulen i kfagu Dwata tamluh i dad to. Slame fagu di kaftoo mdà di katbùan kel di gusenan. Salngad man di Tnalù Dwata, “I to ta tanluh Dwata, mto fagu di kaftoon.”

1 Korintu 1:30

Bay lo mdà di Dwata, ta nun ksasatuto di ku Krayst Dyisas, na ta fiten di gito i too glut kfulung mdà di ku Krayst. Na fagu di ksasatuto di ku Krayst Dyisas, ta tluh na mtiu ato di kite Dwata, na ta falwàan ato.

1 Korintu 15:9

Ani duen-gu man ayé du do i too mdanà di kdee dad to dek Dyisas Krayst, na là gablà agu matlo “Satu to dek Dyisas Krayst,” du falnayamgu i dad to nfun Dwata.

1 Korintu 9:1

Di do, landè gumgikatgu. Do i satu to dek Dyisas Krayst. Ta teen-gu i Amuto Dyisas. Na gamu i ulê knun nimògu di Dwata.

2 Korintu 4:13

Man i Tnalù Dwata, “Ftoo agu di Dwata, taman fitegu fagu di ktalùgu.” Na salngad di gami, du ta ftoo gami, taman tulenmi di dademe dad to.

2 Korintu 5:21

Landè salà Krayst, bay kenen febe Dwata i dad salàto, na fagu déé, di kite Dwata dun, ta nun salà déé di kenen. Na mdà di ksasatuto di ku Krayst, ta tluh ato di kite Dwata.

Galasya 2:8

Du mdà di kaltulus i Dwata, dekan agu tamdò di dad to ise Dyu salngad di kdekan ku Piter tamdò di dad Dyu.

Ifisu 3:5

Di munan, là tulenan ani di dad to, bay ani ta fgadèan fagu di Mtiu Tulus, na fgafatan di dad to dek Dyisas Krayst na di dad tugad Dwata.

Ifisu 4:11

Na kenen i mlé dad sahal gnagan nimò di dad to, na mdà ayé, nun dademe mgimò dad to dek Dwata, na i dademe tugad Dwata, na i dademe tamdò i Fye Tulen, na i dademe, ulu di dad to ftoo du tamdò ale di dad simbahan.

Ifisu 4:5

Na lo satu Amuto, na lo satu fantooto, na lo satu duento fbunyag.

Filipus 1:1

Do, Pol na Timoti, i dad fasak Krayst Dyisas, gumdà sulat ani. Na febemi déé di gamu dad to nfun Dwata ta sasatu ku Krayst Dyisas di Filipus glam di dad ulu di simbahan, na i dad to gal tmabeng dale.

Filipus 1:29

Du ani kafye blé Dwata gamu, ise ku lo gamu ftoo di ku Dyisas Krayst, bay lê nun kaflayam kel di gamu du mdà di ksasatuyu di kenen.

Filipus 3:9

Du yé kayègu too teen i katluhan di do. I katluh ani, ise mdà di kimen-gu i uldin dad Dyu, bay mdà di kaftoogu ku Krayst, dunan i katluh blé Dwata ulê i kaftoo.

2 Timoti 1:5

Na là glifetgu i too glut kaftoom di Dwata, salngad kaftoo i fùam, dunan Lowis, na i yêam, dunan Yunis, na gadègu too salngad di dale i ge kaftoo.

Titus 1:1

Do, Pol, gumdà i sulat ani, satu di dad fasak i Dwata, na dek Dyisas Krayst. Ta nalékan agu, na dekan agu fambagal i kaftoo dad to ta nalék i Dwata, na mebe dale di kaglut i tdò ta fantooto.

Titus 1:4

Na smulat agu di ge, Titus, i ngàgu di kaftoo di ku Dyisas Krayst. Mulà moon i Màta Dwata na Krayst Dyisas i ta Falwà gite, mlé ge kafye na ktanak nawa.

Titus 2:13

di lamto fatan i too mabtas Du fandento, du yé kfite i maltulus Dwata na Dyisas Krayst, i Falwà gito, i kdatahan.

Dyém 1:1

Do, Dyém, satu snalig Dwata, na i Amuto Dyisas Krayst febe i sulat ani. Kumusta di kdeeyu dad to nfun Dwata ta sbalét di klamang banwe.

1 Piter 1:1

Do, Piter, gumdà i sulat ani, i satu to dek Dyisas Krayst. Na yé gugtadèan di dad to ta nalék Dwata flo masbalét di dad banwe Pontu, Galasya, Kapadosya, Asya, na Bitinya.

1 Piter 1:7

Yé gukmamu i dad tilew ani du fite na too glut kaftooyu. Balù i blawen lo mlius, bay fagu di lifoh du fye gadè ku untù. Na too mabtas fa di blawen i kaftooyu, na là fakay ku là tnilew dun fye teen i kbagalan. Na kafnge ayé, gamdawat gamu dayen, kdatah, na afè di du kfite ku Dyisas Krayst.

1 Piter 2:7

Too mabtas i batu ani di gamu dad ftoo. Bay di dad to là ftoo, ani i man di Tnalù Dwata, “I batu knang dad fanday du man nawala landè gukmamu dun, yé too mabtas di kdee.”

1 Piter 5:1

Nun fnigu di gamu dad ulu di simbahan du do i lê satu ulu salngad gamu, na ta teen-gu dad kaflayam gnagu Krayst, na nun alelgu di kdatah fiten kadang. Fnigu di gamu,

2 Piter 1:4

Fagu dini, ta blén di gito i kdee fye ta fakangan too mabtas du fye giwasto i sasè kibal gamfalmo dini di tah tanà, na nfunto i ldam Dwata.

Dyud 1:1

Do, Dyud, febe i sulat ani, satu fasak Dyisas Krayst, na i flanek Dyém. Na yé gugtadèan di dad to ta tlo Dwata i mnè di kalbong nawa i Màto Dwata, na di kifat Dyisas Krayst.