2 Korintu 7:6 - I Falami Kasafnè (New Testament)

⁶ Bay i Dwata lmala nawa i dad to mlidù, na lêan agu lnala kanto kel Titu.

2 Korintu 7:6 ပူးပေါင်းရင်းမြစ်များ

Matyu 5:4

Nun kafye i dad to mlidù nawa du lnala Dwata ale.

Dyan 14:16

Na mni agu di Mà, na banlén gamu i lê satu Tmabeng, dunan Tulus i Kaglut, du fye samsagin gamu kel di landè sen.

Roma 15:5

Dwata gumdà i ktahà na kinit nawa. Mulà moon banlén gamu gnagan samsatu i fandamyu fagu di klalòyu ku Krayst Dyisas,

2 Korintu 7:13

Taman, too minit nawami. Na ise ku lo minit nawami, bay lê gami lehew du mdà di kaflehewyu ku Titu.

2 Korintu 7:14

Ta toota gamu dag di ku Titu, na là ti gsal agu di kdaggu gamu. Di katdòmi gamu, lo yé tulenmi i kaglutan. Na salngad ayé, slame glut i kdee man-gu di ku Titu gablà di gamu.

2 Korintu 7:7

Ise ku lo i kakel Titu i gamlala do, bay lê i tulenan gami gablà di katgalyu nawan. Yé tulenan, too gamu mayè samsite gami, na ta msal gamu di sasè nimòyu, na gatlagad gamu msen do. Taman, ta too agu lehew.

Filipus 2:1

Mdà di ksasatuyu di ku Krayst, ta mbagal gamu. Na mdà di kakdon, flehewan gamu, na ta nun kasgalakyu di Mtiu Tulus, na nun kasakdoyu na kaslayù nawa.

1 Tésalonika 3:2

na dekmi Timoti gadéé di gamu, dunan i flanekto, na satu di dadememi gal tamdò i Fye Tulen gablà ku Krayst. Yé duenmi mdek kenen gadéé du fye tan-galan i nawayu, na tnabengan gamu di kaftooyu,