2 Korintu 7:13 - I Falami Kasafnè (New Testament)

¹³ Taman, too minit nawami. Na ise ku lo minit nawami, bay lê gami lehew du mdà di kaflehewyu ku Titu.

2 Korintu 7:13 ပူးပေါင်းရင်းမြစ်များ

Roma 12:15

Flehew gamu magin di dad to lehew, na mngel gamu magin di dad to mngel.

Roma 15:32

Taman, ku mayè Dwata, lehew agu salu déé di gamu, na ftud agu di safédyu.

1 Korintu 12:26

Na ku nun tduk i satu alel, sdulê lamyalo i kdeela. Na ku nun gumagdayen i satu alel, lê sdulê magin lehew i kdeela.

1 Korintu 16:13

Too gamu fgeye, na fbagal di kaftooyu di ku Dyisas Krayst. Nang gamu myà gablà di kaftooyu, bay tooyu fite i kakgisyu di kaftoo.

1 Korintu 16:18

du tan-galla i nawagu salngad i katgalla i nawayu. Tooyu nafè i dad to gambet ayé.

2 Korintu 2:13

Bay kantogu kel di Troas, too agu mlidù du là teen-gu i flanekto Titu. Taman, mbal agu di dad to déé, na fles agu di Masidunya.

2 Korintu 2:3

Taman, yé duen-gu febe di gamu i muna sulatgu du fye di ksalugu déé, i dad to flehew do moon, là balingla agu flidù. Du gadègu, ku lehew agu, lê gamu man lehew.

2 Korintu 7:14

Ta toota gamu dag di ku Titu, na là ti gsal agu di kdaggu gamu. Di katdòmi gamu, lo yé tulenmi i kaglutan. Na salngad ayé, slame glut i kdee man-gu di ku Titu gablà di gamu.

2 Korintu 7:15

Taman, ta too midul i kakdo Titu gamu du gafaldaman i kimen-yu i manan, na i kdawatyu kenen du mdà di kafè na kafdanàyu di kenen.

2 Korintu 7:6

Bay i Dwata lmala nawa i dad to mlidù, na lêan agu lnala kanto kel Titu.

Filipus 2:28

Taman, too bong ayègu fasfulê kenen déé di gamu du fye di kiteyu dun, too gamu lehew, na ta là mlidù agu.

2 Timoti 1:16

Bay mulà moon ku kando Dwata i familya Onisiforu du dee dulêan tamgal nawagu, na là myàan di kablanggùgu.

Filimun 1:20

Taman, flanek, toom beg nimò do i fnigu ayé du mdà di Amuta, du fye do i flanekam ku Krayst, maglala i nawagu.

Filimun 1:7

Na ani, flanek, too agu lehew na matgal i nawagu du mdà di kakdom ta tan-galam nawa i dad to Dwata.

1 Piter 3:8

Taman, tooyu sanngad i fandamyu na i galyaloyu. Salbong gamu nawa du ta saflanek gamu. Na sakdo gamu, na fdanàyu i ktoyu di dademeyu.