2 Korintu 4:11 - I Falami Kasafnè (New Testament)

¹¹ Du di knèmi dini di tah tanà, fanla gami gal fnati du mdà di ksasatumi ku Dyisas, du fye too teen klawilan di ktomi.

2 Korintu 4:11 ပူးပေါင်းရင်းမြစ်များ

Roma 8:11

Ku i Tulus Dwata ta mték ku Dyisas Krayst ta mnè di gamu, i Dwata ayé lê mlé nawa di dad lawehyu fagu di Mtiu Tulus i mnè di gamu.

Roma 8:36

Salngad ayé i man di Tnalù Dwata, “Du mdà di ksasatumi di ge, fanla gami fnati tnadak du. Yé kibòla gami, salngad dad bilibili fanla tnatê.”

1 Korintu 15:31

E dad flanekgu, kat du galyalogu ta mdadong i kfatigu. Gadè Dwata na galgu dag i kaftooyu di Amuto Krayst Dyisas.

1 Korintu 15:49

Ku dét kasalngadto di to mdà di tanà, yé lêto kasalngad i mdà di langit.

2 Korintu 4:10

Galmi galyalo di lawehmi i kfatila ku Dyisas, du fye lê teen di gami i klawilan.

2 Korintu 4:12

Balù ku mdadong i gami kfati, syan ku gdawatyu gamu i nawa landè sen.

2 Korintu 5:4

Na di knèto dini di tah tanà, too sasè kalyaloto dun. Bay ise yé kayèto ku mlalto tnagak i lawehto ani, bay yé kayèto ku mlalto gdawat i falami lawehto ditù di langit, du fye matlas i lawehto dankat fati, yé tlas dun i laweh là mati.

2 Korintu 6:9

Balù ku là tatel gami, bay nun dademe, dnilèla gami. Balù ku fandam i dademe dad to ta kfatimi, bay teenyu sana klawilmi. Na balù ku too gami falnayam, là sa mati gami.