2 Korintu 11:16 - I Falami Kasafnè (New Testament)

¹⁶ Lêgu nulit i man-gu gine. Fye ku nangyu fandam ku book agu. Bay ku yé fandamyu, syan ku dnawatyu agu salngad i to book, du fye beg nun daggu.

2 Korintu 11:16 ပူးပေါင်းရင်းမြစ်များ

2 Korintu 11:1

Mulà moon begyu fantahà nawayu di do, balù ku yé fandamyu ta book agu.

2 Korintu 11:19

Tooyu fantahà nawayu di dad to salngad book du mdà di bong kfulungyu.

2 Korintu 12:1

Mfeges agu fagdag. Balù ku landè gufyen, tulen-gu gamu ani gablà di dad knagu na i dad tadè fite Dwata di do.

2 Korintu 12:11

Sawe book agu di kafagdaggu, bay mfeges agu mimò dun du mdà di nimòyu. Gamu moon gten mdag do, du balù ku too agu mdanà, là ti mdanà agu di dademe to tamdò déé.

2 Korintu 12:6

Ku kayègu fagdag, là fakayyu man ku book agu du slame glut i kdee man-gu. Bay là ti fagdag agu, du là mayè agu ku glukas kdag i dad to do du mdà di kitela i dad nimògu na kaklingela i dad man-gu.

2 Korintu 5:13

Yé kè mnè di nawayu ta book gami? Kibò sa, syan ku yé gubookmi i kimenmi di Dwata. Bay ku yé kiteyu gami, ta fye fandammi, yé agumi tmabeng gamu.