2 Korintu 11:1 - I Falami Kasafnè (New Testament)

¹ Mulà moon begyu fantahà nawayu di do, balù ku yé fandamyu ta book agu.

2 Korintu 11:1 ပူးပေါင်းရင်းမြစ်များ

Matyu 17:17

Na talù Dyisas, manan, “E tay gamu dad to là ftoo, too gamu gamsalà. Ta là manam i klogu fanak di safédyu, na toogu fantahà i nawagu di gamu, bay knèan, sana là fa kaftooyu. Nebeyu di do i ngà ayé.”

Dad Nimò 18:14

Kanto ta fan talù Pol, man Galyu di dad Dyu, “Ku yé lnafàan uldin i gubirnu, fakayta gamu tnabeng.

Dad Nimò 26:29

Na tmimel Pol, manan, “Baling mlo ku demen là, yé dasalgu di Dwata, ge na i dademem lminge i man-gu ani, mgimò gamu salngad do, bay ise ku nikat sangkalì.”

1 Korintu 1:21

Yé mnè di nawa Dwata, landè kibò dad to gmadè kenen ku fagu di kfulungla. Bay yé fandaman, falwàan i dad to dmawat i tdòmi, dunan i tdò man dademe dad to landè gukmamu dun kun.

1 Korintu 3:18

Nangyu fan-gaw i ktoyu. Nè to man nawan ta too bong kfulungan di kite i dademe dad to dini di tah tanà, fye ku tnagakan i kfulungan ayé du fye gdawatan i too glut kfulung.

1 Korintu 4:10

Mdà di ksasatumi di ku Krayst, yé kman dad to gami dad to book kun, bay gamu kun dad to fulung di ksasatuyu di kenen. Gami dad to mlungay, bay gamu dad to kamgis. Toola gami nadoy, bay gamu, toola nafè.

1 Korintu 4:8

Keng yé man nawayu ta landè kalnidùyu, na ta bong knunyu, na ta ganlal gamu. Bong fye sa ayé ku too, du gagin gami di gamu.

2 Korintu 11:19

Tooyu fantahà nawayu di dad to salngad book du mdà di bong kfulungyu.

2 Korintu 11:21

Mayèyu kè ku myà gami di là kgimòmi i dale nimò di blengyu? Bay ku fagdag i dad to ayé, lê agu do fagdag. Yé kafagdaggu salngad i to book.

2 Korintu 11:4

Du yé balingyu dnawat i dad to salu di gamu tamdò i mahal gamfalwà, na là salngadan di gami tdò. Na yé dnawatyu i mahal tulus na mahal tulen, na là salngadan di Mtiu Tulus na i Fye Tulen ta tdòmi gamu.

2 Korintu 12:11

Sawe book agu di kafagdaggu, bay mfeges agu mimò dun du mdà di nimòyu. Gamu moon gten mdag do, du balù ku too agu mdanà, là ti mdanà agu di dademe to tamdò déé.

2 Korintu 5:13

Yé kè mnè di nawayu ta book gami? Kibò sa, syan ku yé gubookmi i kimenmi di Dwata. Bay ku yé kiteyu gami, ta fye fandammi, yé agumi tmabeng gamu.

Hibru 5:2

Du lo to tanà i to ayé, na nun dad gumlungayan, taman kandon i dad to kulang gnadè na i dad to gamsalà.