2 Dyan 1:6 - I Falami Kasafnè (New Testament)

⁶ Ani ilè i kalbong nawa, ku nimento i dad uldin Dwata. Na ani i uldin ta linge dad to mdà di kagatbùan, mnè gamu di kasakdo.

2 Dyan 1:6 ပူးပေါင်းရင်းမြစ်များ

Dyan 14:15

“Ku bong nawayu do, nimenyu i dad flaugu.

Dyan 14:21

Nè to gmadè na mimen i dad flaugu, bong nawan do. Na nè to bong nawan do, kanbong Mà nawa. Na lêgu kanbong nawa i to ayé, na fdilègu i ktogu di kenen.”

Dyan 14:23

Na tmimel Dyisas, manan di kenen, “Nè to bong nawan do, nimenan i dad flaugu. Na lê kanbong Mà nawa, na lwe gami Mà mnè di kenen.

Dyan 15:10

Ku nimenyu i dad flaugu, mnè gamu di kalbong nawagu. Salngad do, nimen-gu i dad flau Mà, na mnè agu di kalbong nawan.

Dyan 15:14

Gamu i dademegu sgalak ku nimenyu balù dét flaugu di gamu.

1 Dyan 2:24

Yé duenam man, tooyu fnè di nawayu i tdò ta lingeyu mdà di kagatbùan. Ku nimòyu ayé, ta nun ksasatuyu di Ngà na lê man di Mà.

1 Dyan 2:5

Bay ku nun to mimen i tnalù Dwata, too sikof i kalbong nawa Dwata di kenen. Na ani gugmadèto dun ku nun ksasatuto di Dwata.

1 Dyan 2:7

E dad flanek kanbonggu nawa, ise ku falami i uldin sulatgu ani di gamu, bay ta sanayu gadè mdà di kagatbùan. Dunan ani i tdò ta lingeyu.

1 Dyan 5:15

Na du gadèto na galan linge i kdee fnito di kenen, taman gadèto balù dét i fnito, gdawatto.

1 Dyan 5:3

Ani ilè i kakdoto di Dwata, nimento i dad uldinan. Na là mlimah mimen dun,

2 Dyan 1:5

Na yé duenam man, flanekgu libun, ani fnigu di ge, i kdeeto salbong nawa. Ise ku falami i uldin ani di gito, bay ta mloto gadè mdà di kagatbùan.