1 Timoti 1:8 - I Falami Kasafnè (New Testament)

⁸ Bay, gadèto i uldin ayé, too fye ku gnamit di fye kfagu.

1 Timoti 1:8 ပူးပေါင်းရင်းမြစ်များ

Roma 12:2

Nangyu nagin ingok i banwe ani, bay fafalamiyu i ktoyu fagu di kafatlasyu i fandamyu di Dwata, du fye gadèyu ku dét i fye na sikof knayè Dwata.

Roma 7:16

Taman, ku knanggu i sasè nimògu ani, yé gumite dun na i kafaldamgu tluh i uldin.

Roma 7:18

Gadègu landè fye dini di do, dunan di labi ktogu, du balù nun ayègu mimò fye, là gagan-gu mimò dun.

Roma 7:22

Mdà di lam i nawagu, too agu mayè di uldin Dwata.

Galasya 3:21

Yé kayèan man ani kè i uldin Dwata fagu di ku Mosis na i fakang Dwata, là maslalò ale? Là sa, du ku nun moon uldin gamlé nawa landè sen di dad to, fakay mgimò tluh i kdee di kanfe Dwata fagu di kimenla i uldin ayé.

2 Timoti 2:5

Na lê i satu to skuya milah, là ti gamwèan taden ku là nimenan i uldin di kaskuya ayé.