1 Tésalonika 5:1 - I Falami Kasafnè (New Testament)

¹ Na, dad flanek, balù landè to smulat gamu ku kilen kagdohò i kdee ani,

1 Tésalonika 5:1 ပူးပေါင်းရင်းမြစ်များ

Matyu 24:3

Na fles Dyisas di Bulul Olib, na sudeng déé. Na fdadong dad to galan tdò di landè dademe to lminge dun, manla, “Begam tulen gami ku kilen kagdohò i manam ayé, na ku dét mkel gugmadèmi kasfulêam na gusen i banwe.”

Matyu 24:36

“Landè gmadè i du na i bang kasfulêgu, balù i dad kasaligan di langit, ku demen i Ngà Dwata. Bay lo yé gmadè dun Mà.

Dad Nimò 1:7

Bay tmimel Dyisas, manan, “I dad dangan na i dad du ta fala mgalék Mà fagu di kdatahan, landè gamu labet gmadè ku kilen i kakelan.

2 Korintu 9:1

Balù ku là snulatta gamu gablà di tabeng febe di dad to nfun Dwata di Dyudiya.

1 Tésalonika 4:18

Taman, too gamu satgal fagu di tdò ani.

1 Tésalonika 4:9

Na gablà di kasakdoyu i dademeyu ftoo di Dwata, balù landè to fafaldam dun di gamu du ta tdò Dwata gamu ku dét i kibòyu sakdo.

Dyud 1:3

Dad mabtas flanekgu, too agu mayè moon smulat di gamu gablà di kagalwà ta gusasatuto, bay mfeges agu smulat di gamu du fye tan-galgu nawayu di ksenyu i kaftoo ta blé Dwata di dad ton.