1 Tésalonika 1:4 - I Falami Kasafnè (New Testament)

⁴ E dad flanek, gadèmi bong nawa Dwata gamu, na nalékan gamu du fye nfunan gamu.

1 Tésalonika 1:4 ပူးပေါင်းရင်းမြစ်များ

Roma 1:7

Taman, smulat agu di kdeeyu déé di Roma i kanbong nawa na ta tlo Dwata du fye mgimò dad ton. Mulà moon i Màto Dwata na i Amuto Dyisas Krayst mlé gamu kafye na ktanak nawa.

Roma 9:25

Ani manan di libru Hosiya, “Dnilègu dad togu i ise dad togu di muna, na lêgu kanbong nawa i dad to là kanbonggu nawa di muna.

Ifisu 1:4

Di laman là mimò i klamang banwe, ta sanan ato nalék du nfunan ato fagu di ksasatuto di ku Krayst du fye too ato tluh, na landè gumaslento di kanfen. Na mdà di kalbong nawan gito,

Kolosas 3:12

Gamu i dad to Dwata. Kanbongan gamu nawa, na ta nalékan gamu kenen nfun. Taman, yé fye nun kaslayù nawayu, na sakdo gamu, na safdanà gamu, na fanyeyu baluyu di dademeyu, na fantahàyu i nawayu di kat satu gamu.

1 Tésalonika 1:3

Di kat kdasalmi di Màto Dwata, là ti glifetmi i dad fye nimòyu du mdà di kaftooyu di Dwata, na i kalgadyu du mdà di kakdoyu, na i kbagal nawayu fatan ku Dyisas Krayst, i Amuto.

2 Tésalonika 2:13

Bay, dad flanek, i too kanbong nawa i Amuto, là fakay ku là sigi gami fasalamat di Dwata gablà di gamu du mdà di munan, ta nalékan gamu du fye galwà gamu fagu di gnagan i Mtiu Tulus ftiu gamu, na mdà di kaftooyu i glut.

1 Piter 1:2

Mdà di knayè i Màto Dwata, ta nalékan gamu, na ftiun gamu di Tulusan, du fye nimenyu Dyisas Krayst, na maglaneb gamu di litèan. Sikof moon i kagfunyu kafye na ktanak nawa.

2 Piter 1:10

Taman, dad flanekgu, tooyu fkah di nawayu i katlo Dwata na i kalékan gamu, du ku yé nimòyu, là gfisan gamu.