1 Piter 4:8 - I Falami Kasafnè (New Testament)

⁸ Mdatah di kdee, too gamu salbong nawa. I kasalbong nawa, yé galmimun i dad salà, balù too ale dee.

1 Piter 4:8 ပူးပေါင်းရင်းမြစ်များ

1 Korintu 13:1

Balù ku talù agu dad mahal talù i dad to dini di tah tanà, na lê man talù i dad kasaligan Dwata, bay ku landè kakdogu i dademegu to, landè gukmamu i talùgu ayé. Baling salngad di uni falnimak muni latsê, ku demen i uni bagting matlasà.

1 Korintu 13:4

Nè to kamdo, tahà nawan na fye balun. Là ti mafè nawan, na fagdag, na fangnem.

Kolosas 3:14

Na mabtas di kdee, too gamu sakdo du yé sambakas gamu fye nun ksasatu nawayu.

1 Tésalonika 3:12

Na yé lêmi knayè ku tananù Dwata i kasakdoyu di kat satu gamu dad ftoo, na di kdee to du fye salngad kasakdoyu di kakdomi gamu.

2 Tésalonika 1:3

Dad flanek, là ti fakay ku là sigi gami fasalamat di Dwata du mdà di gamu, du too midul i kaftooyu di Dwata, na i kasakdoyu di kat satu gamu.

1 Timoti 1:5

Yé duen-gu falmau gambet ani du fye sakdo gamu mdà di nawayu, na mtiu i kafaldamyu, na too glut i kaftooyu.

Hibru 13:1

Too gamu fadlug di kasalbong nawa du ta saflanek gamu ku Krayst.

Dyém 5:12

Na mabtas di kdee, dad flanekgu, ku makang gamu, nang gamu samdagè. Là fakay ku yé dnagityu i langit, ku demen i tanà, ku demen balù détan di kfakangyu. Bay ku mayè gamu, yé manyu, “Hee,” na ku là, yé manyu, “Là,” du fye là fanngewe Dwata gamu.

Dyém 5:20

Fye ku gadèyu ani. I to gafablalingan i satu to gamsalà fye tnagakan i sasè nimòan, falwàan kenen mdà di fati, du ta magfasinsya i dee salàan.

1 Piter 1:22

Ani, ta mlaneb gamu mdà di kimenyu i kaglut, na ta nun glut kasakdoyu di dademeyu ftoo. Taman, too gamu salbong nawa mdà di foon i nawayu.

3 Dyan 1:2

E flanek kanbonggu nawa, yé dasalgu mulà moon ku too fye kagkaham, na fye laweham salngad di kafye i kaftoom.