1 Korintu 6:12 - I Falami Kasafnè (New Testament)

¹² Nun dademe man dun, “Fakay agu mimò balù dét i knayègu.” Dunan ayé, bay nun dademe nimò là gamfye di gito. Fakay agu mimò balù dét i knayègu, bay là fakay ku nun gufgikatgu.

1 Korintu 6:12 ပူးပေါင်းရင်းမြစ်များ

Dyan 5:10

Taman, man i dad Dyu di to ayé, “Du Kaftud sa ani, na là fakay di uldin Dwata gito ku nebem i gumilèam di Du Kaftud.”

Roma 7:14

Ta gadèto i uldin, mdà di Dwata, na too fye. Bay do, lo agu btal to fasak di salà.

1 Korintu 8:4

Taman, gablà di knaan dsù di dad ise glut dwata, gadèto landè ti gukelan du lo satu sa i too glut Dwata.

1 Korintu 9:12

Ku i dademe dad to tamdò gamu, nun ktoola dmawat dad kalnidùla mdà di gamu, midul déé fa i gami, du gami i muna tamdò gamu. Bay balù nun ktoomi dmawat i dad kalnidùmi mdà di gamu, là sa lmenmi mni di gamu. Bay tadè gami fagtayud du fye landè gamblabal di katdòmi i Fye Tulen gablà di ku Krayst.

1 Korintu 9:27

Balù ku nun sasè knayè i lawehgu, faknalamgu i ktogu damnan dun, du tàgu là gdawat i taden blé Dwata, na blaam do sa i tamdò dademe to.

2 Tésalonika 3:9

Balù nun ktoomi mni di gamu i dad gulandèmi, bay knèan, baling gami fagtuh talbahò du fitemi gamu i guflingen fye ganbetyu.

Dyud 1:12

Dale gumdàan maslen i kasgalakyu kmaan du mdà di sasè nimòla. Lo yé nifatla i ktola. Salngad ale i labun falis nus là mebe ulen, na dad kayu là menge di bangla menge ta magdot na mati.