1 Korintu 4:19 - I Falami Kasafnè (New Testament)

¹⁹ Bay di là mlon mdà ani, ku mayè i Amu, salu agu déé di gamu du neyegu ku nun gaganla nimò di kdee dad dagla.

1 Korintu 4:19 ပူးပေါင်းရင်းမြစ်များ

Dad Nimò 18:21

Bay di kdàan, makang kenen di dale, manan, “Ku mayè Dwata, lê agu samfulê dini.” Na kafnge ayé, ta mdà kenen di Ifisu smakay aweng.

Dad Nimò 19:21

Kafnge ayé, yé knayè nawa Pol magu di Masidunya na Akaya, klon fles di Dyérusalém. Manan, “Mdà di Dyérusalém, là fakay ku là salu agu di Roma.”

Dad Nimò 20:2

Lanngaban nagu i dad banwe ditù du tan-galan nawa i dad to ftoo, na kafnge ayé, ta lê fles di Grisya,

Roma 15:32

Taman, ku mayè Dwata, lehew agu salu déé di gamu, na ftud agu di safédyu.

1 Korintu 11:34

Na ku nun di gamu bitil, yé fye, funa kenen kmaan di gumnèan tà fanngewe Dwata gamu di là kimenyu di kastifunyu ayé. Na gablà di dademe dad snalekyu, tnimelgu ku ta kel agu déé.

1 Korintu 14:5

Yé kayègu ku i kdeeyu gamtalù mahal talù. Bay yé toogu kayè ku gaganyu tmulen i ta fgadè Dwata, du balù mabtas i kgagan talù mahal talù, bay yé too mabtas i kgagan tmulen i ta fgadè Dwata. Silang nun gukmamu i ktalù i mahal talù ku nun mubad dun du fye magtabeng i kdee dad to ftoo.

1 Korintu 16:5

Gadéé agu di gamu du lnauyta gamu, bay funa agu magu ditù di Masidunya, du yé fnaleh nawagu.

1 Korintu 16:7

Ani duen-gu man ayé du là mayè agu ku lo ato site là mlo, bay yé kayègu ku faloh Dwata, beg agu mlo mnè di safédyu.

1 Korintu 2:6

Bay di katdògu i dad to ta mbagal di kaftoo, mlam i tdògu, bay ise mdà di gnadè i dad to dini di tah tanà, na i dad nun glal magot i banwe ani, du i glalla ayé salu di kalmo.

1 Korintu 4:18

Nun dademeyu, toola dag i ktola du yé mnè di nawala na ta là samfulê agu déé di gamu.

1 Korintu 4:6

E dad flanek, di katdògu ani, do na Apulus, ta nimògu guflingen di gamu du fye glalòyu i Tnalù Dwata, manan, “Nangyu lnafà i ta gsulat.” Na là fakay ku fdatahyu i dademe to tamdò, na nadoyyu i dademe.

2 Korintu 1:23

Bay tulen-gu gamu ku dét i duen-gu là gsalu déé, du là mayè agu ku baling gamu myà mdà di kngakta gamu. Gadè Dwata ku kéng i man-gu ani.

2 Korintu 10:9

Nangyu fandam ku falnikòta gamu fagu di sulatgu ani.

Hibru 6:3

Na nimòto i kdee ayé tagen di knayè Dwata.

Dyém 4:15

Bay ani i fakayyu man, “Ku mayè Dwata, mto gami fa, na ani nimòmi.”