1 Korintu 3:8 - I Falami Kasafnè (New Testament)

⁸ I to mlah na i to tmubél, salngad btas i nimòla, na kat satu di dale gamdawat lubay mdà di nimòla.

1 Korintu 3:8 ပူးပေါင်းရင်းမြစ်များ

Matyu 16:27

Do, i dnagit Ngà To, fan agu samfulê, na mnè i kdatah Màgu di do, na magin dad kasaliganan. Na di du ayé, bnalasgu kat satu to mdà di dad nimòan.

I Fye Tulen Gablà ku Dyisas Krayst, i Sulat Luk 19:19

Na talù i harì, manan, ‘Fagotta ge lime syudad.’

Roma 2:6

Du Dwata mlé ulê nimò i kat satu to.

1 Korintu 15:58

Taman, dad flanek toogu kanbong nawa, too gamu fbagal di kaftooyu du fye landè gamgingok dun. Too gamu falgad di fimò i Amuto gamu, du ta gadèyu i kdee nimòyu di kenen, slame nun ulêan.

1 Korintu 3:14

Ku nè nimò là sakufan, gamdawat lubay i to mimò dun.

1 Korintu 3:7

Là too mabtas i to mlah demen i to tmubél, bay yé too mabtas i Dwata du kenen ftabò na falnok dun.

1 Korintu 3:9

Lwe gami Apulus sagin di nimò i Dwata du slame gami snaligan. Na gamu i tanà gumdek Dwata gami talbahò. Na gamu lê man i gumnè fimò Dwata.

1 Korintu 4:15

Balù ku sfalò libu i kdee dad to mebe gamu di klalòyu ku Krayst Dyisas, lo satu i màyu du di ksasatuyu di kenen, ta mgimò gamu dad ngàgu mdà di katdògu gamu i Fye Tulen.

1 Korintu 9:7

Landè sundalu ku baling kenen smukéy i kton di laman magin di kasfati. Landè to dmaru ku là gkaanan i ulê i felen. I to mantay bilibili, nun ktoon minum gatas i dad bilibili bnantayan.

Galasya 6:4

Kat satu to, toon fan-geye i dad nimòan, na ku fye nimòan, fakay kenen flehew. Na nangan sngad i nimòan di nimò i dademe dad to,

Galasya 6:5

du kat satu to, kenen tmimel di Dwata gablà di kenen nimò.

Hibru 6:10

Too fulung Dwata samtadè. Là ti glifetan i fye nimòyu, na i kalbong nawayu kenen ta fiteyu fagu di ktabengyu i dademeyu ftoo balù kel di mdu ani.

1 Piter 5:4

Na ku ta samfulê i Too Mdatah Mifat, gamdawat gamu kyangen là mwàan.

2 Dyan 1:8

Taman, too gamu fgeye tà malmo i lubayto mimò, bay yé fye ku too sikof i kagdawatto dun.

Ta Fite 2:23

Fnatigu i dad ngàan, na fagu déé, teen i kdee dad to ftoo na gadègu i fandamla na knayè i dad to, na bnalàgu di kat satu gamu i dad nimòyu.

Ta Fite 22:12

Na ani man Dyisas, “Fandamyu. Ta mdadong i kasfulêgu. Mebe agu taden du blégu di kat satu, balas i nimòan.