1 Korintu 15:56 - I Falami Kasafnè (New Testament)

⁵⁶ Yé gumdà alas i fati di salà, na silang dilè i salà, kanto kel i uldin.

1 Korintu 15:56 ပူးပေါင်းရင်းမြစ်များ

Dyan 8:21

Na lê man Dyisas di dad Dyu, “Nun du, mdà agu, na fanngabalyu agu, na mati gamu di kagsalàyu. Yé duenam man, là gafat gamu di gusalugu.”

Dyan 8:24

Yé duen-gu man di gamu na mati gamu di kagsalàyu. Na too gdohò ayé ku là fantooyu na ‘Do sa Dunan Do.’ ”

Roma 4:15

Kel i kalbut Dwata mdà di uldin, du landè lnafà moon ku landè uldin.

Roma 5:15

Bay là salngad ale du là fakayto sansngad i salà Adan na i tadè blé Dwata. Balù dee mati mdà di salà i satu to, bay too bong kafye Dwata na i tadèan blé fagu di kafye Dyisas Krayst.

Roma 5:17

Na glut sa, gafat i fati di kdee dad to fagu di salà i satu to. Bay too bong ulê i nimò satu To, dunan Dyisas Krayst, du i kdee dmawat i kafye Dwata na ta safye di kenen, fdatahan ale fagu ku Krayst.

Roma 5:20

Kanto nun uldin, ta baling midul i kaglafàla, bay ku nè gubong i salà, baling too bong fa i kafye Dwata.

Roma 6:23

Du i ulê i kimò salà dunan i fati, bay i tadè blé Dwata dunan nawa landè sen fagu di ku Krayst Dyisas, i Amuto.

Hibru 9:27

Yé man Dwata lo sulê mati i kdee dad to, na kafnge ayé, nukuman ale.