1 Korintu 15:47 - I Falami Kasafnè (New Testament)

⁴⁷ I tnanin to, mdà di tanà, bay i galwen mdà di langit.

1 Korintu 15:47 ပူးပေါင်းရင်းမြစ်များ

Matyu 1:23

“Tadè maltien i satu sawang libun, na mngà kenen lagi, na yé katlola kenen Imanyuél.” Na yé gumtatek Imanyuél dunan, “Ta dini Dwata sagin di gito.”

I Fye Tulen Gablà ku Dyisas Krayst, i Sulat Luk 2:11

Di mdu ani, ta sut di banwe Dabid i Falwà, dunan Krayst i Amuto.

Dyan 3:31

“Ku nè mdà di langit, kenen mdatah di kdee. Nè mdà di tah tanà, lo to tanà kenen, na yé santulenan i kagkah di tah tanà. Bay nè mdà di langit, mdatah kenen di kdee.

Dyan 6:33

Du yé knaan blé Dwata dunan i tufa mdà di langit na mlé nawa di dad to di klamang banwe.”

Dad Nimò 10:36

Ani fgadè Dwata di dad to di Israél, dunan i katdò i Fye Tulen gablà di ktanak nawa fagu ku Dyisas Krayst, dunan i Amu i kdee.

1 Korintu 15:45

Du ani man i Tnalù Dwata, “I tnanin to, dunan Adan, banlé Dwata nawa du fye mnè dini di tah tanà.” Bay Krayst, yé katlo dun sangal Adan. Kenen maltulus mlé nawa.

1 Korintu 15:46

Yé munato gdawat i btal laweh mnè di tah tanà ani, na tmadol i laweh fakay mnè di langit.

2 Korintu 5:1

I lawehto ani, salngad di lawig, na gadèto ku ta malmo, nun sa falami laweh blé Dwata di gito. Kenen mimò i laweh ayé, na ta là malmon kel di landè sen.

1 Timoti 3:16

Na landè gambalew gablà di kafye i ta fgadè Dwata gablà di fantooto: Fbaling to Dyisas, na yé fgadè i Mtiu Tulus too tluh Dyisas, na teen kenen dad kasaligan i Dwata. Na tamdò ale gablà di kenen di dad banwe, na nun ftoo di kenen dini di tah tanà. Na ta mbatun kenen ditù di langit.