1 Korintu 14:34 - I Falami Kasafnè (New Testament)

³⁴ Yé fye, tadè fanak i dad libun di galyu ksimba, du là fakay ale talù. Salngad man Dwata di uldin blén ku Mosis, là fakay ku yé mebe i dad to ftoo i libun.

1 Korintu 14:34 ပူးပေါင်းရင်းမြစ်များ

1 Korintu 11:13

Ti gamu famdam dun ku dét i fye nimò ku stifun gamu mangamfù di Dwata. Gten kè ku dmasal i libun na landè duduman?

1 Korintu 11:3

Bay nun kayègu faglabat di gamu. Yé ulu i kdee dad lagi dunan Krayst, na yé ulu i libun dunan i yaanan, na yé ulu Krayst Dyisas dunan Dwata.

1 Korintu 11:5

Na ku nun libun dmasal ku demen tmulen i ta fgadè Dwata, yé fye nun duduman, du ku landèan, là nafèan i yaanan, du yé ulun yaanan. Na i libun là dmudum, salngad kenen di libun fkih i wakan, du magyà.

1 Korintu 14:21

Nun sa gsulat di Tnalù i Dwata, manan, “Gamu dad Dyu, dekgu di gamu i dad to mahal talùla, na ftalùgu ale di gamu. Bay balù ku yé dekgu i mahal to, knèan sana là kaflingeyu man i to dekgu.”

1 Korintu 14:35

Na ku nun kayèla snalek, yé gusmalekla di yaanla ku ta kel ale di gumnè, du magyà ku talù i libun di lam i simbahan.

Ifisu 5:33

Bay knèan, kat satu gamu dad lagi, là fakay ku là kandoyu i yaanyu salngad i kakdoyu i ktoyu, na gamu dad libun, là fakay ku là nafèyu i yaanyu.

Kolosas 3:18

Na gamu dad libun nun yaan, nimenyu i yaanyu du yé gten nimò i dad libun ftoo di ku Dyisas.

Titus 2:5

na di kadnanla i ktola, na di kaftiu, na di kifatla i familyala, na di kafèla i yaanla, du fye landè samlen i Tnalù Dwata.