1 Korintu 10:15 - I Falami Kasafnè (New Testament)

¹⁵ Man-gu ayé di gamu du ta fulung gamu faldam, na gamu gmadè samtimbang dun.

1 Korintu 10:15 ပူးပေါင်းရင်းမြစ်များ

1 Korintu 10:14

Taman, dad flanekgu, ta nang gamu mangamfù di dad ise glut dwata.

1 Korintu 10:16

Fagu di kfasalamatto na di kinumto du gafaldamto i litè Krayst, ta nun alelto di litèan. Na fagu di kalelto i fan na di kakaanto du gafaldamto i laweh Krayst, ta lê nun alelto di lawehan.

1 Korintu 11:13

Ti gamu famdam dun ku dét i fye nimò ku stifun gamu mangamfù di Dwata. Gten kè ku dmasal i libun na landè duduman?

1 Korintu 14:20

Dad flanekgu, nangyu ganbet i dad malnak ngà là fulung faldam. Bay yé gugambetyu dale di là kafdamla i sasè. Bay ganbetyu fandam i to ta tua di kafdamyu i tdògu ani.

1 Korintu 4:10

Mdà di ksasatumi di ku Krayst, yé kman dad to gami dad to book kun, bay gamu kun dad to fulung di ksasatuyu di kenen. Gami dad to mlungay, bay gamu dad to kamgis. Toola gami nadoy, bay gamu, toola nafè.

1 Korintu 6:5

Kan, là myà gamu? Landè kè dademeyu ftoo fulung mukum gamu?

1 Korintu 8:1

Na gablà di snalekyu di kagkah dad knaan dsù di dad ise glut dwata. Glut sa, i kdeeto nun kaglabat gablà di snalekyu ayé. Bay fgeye ato, du i kaglabat gamlé kafagdag, bay i kasakdo, yé mlé kbagal.

1 Tésalonika 5:21

Na tooyu neye i kdee tdò ta lingeyu, ku glut, ku demen là. Na nè i glut, busekyu di nawayu,