1 Dyan 5:14 - I Falami Kasafnè (New Testament)

¹⁴ Na là gdè ato mni di Dwata du gadèto balù dét i fnito, tnimelan syan ku glalò di knayèan.

1 Dyan 5:14 ပူးပေါင်းရင်းမြစ်များ

Matyu 21:22

Ku ftoo gamu, balù dét i fniyu di dasalyu, gdawatyu.”

Dyan 11:42

Na gadègu galam agu falninge, bay yé duen-gu man ani du mdà di dad to tadag dini, fye ftoo ale na ge i mdek do.”

Dyan 14:13

Balù dét fniyu fagu di dagitgu, nimògu du fye magdayen Mà fagu di Ngàan.

Dyan 15:7

Bay, ku mnè gamu di do na i dad tnalùgu mnè di nawayu, fniyu ku dét i knayèyu, du blégu gamu.

Dyan 16:24

Kel ani, landè lmenyu fni di do. Mni gamu nan, na gamdawat gamu du fye too sikof i klehewyu.

Dyan 9:31

Na gadèto i Dwata, là falningen i dad to gamsalà, bay lo yé falningen i dad to mafè kenen, na lmalò di knayèan.

Ifisu 3:12

Na mdà di ksasatuto di ku Krayst, na fagu di kaftooto di kenen, là gdè ato, na là myà ato fdadong di Dwata.

Hibru 10:35

Taman, nangyu fantulah i ksaligyu du nun bong lubayyu.

Hibru 3:14

Du i kdeeto gagin di ku Krayst ku fles ato fbagal di ksaligto di kenen kel di gusenan.

Hibru 3:6

Bay Krayst, fduf kenen du kenen i Ngà snalig magot i gumnè Dwata. Gito i gumnèan ku mbagal i ksaligto fatan i fandento.

Dyém 4:3

Balù ku ta fniyu di Dwata, là gdawatyu dun du sasè mnè di fandamyu, du yé fanyu gukmamu dun di sasè knayè i ibalyu.

Dyém 5:16

Taman, tulenyu i salàyu kat satu gamu magin i ksal, na sdasal gamu du fye mgulê gamu. I dasal i to ta tluh, too ti bong mgimòan.

1 Dyan 2:28

Yé duenam man dad ngà, too gamu fles di ksasatuyu di ku Krayst du fye ku ta samfulê kenen, na landè gumyàto.