Yeremías 6:8 - Papiamentu Bible 2013

⁸ Herusalèm, laga tur e kosnan akí ta un atvertensia pa bo! Sino Mi ta bira lomba pa bo hasi bo un desierto, un lugá desolá kaminda niun alma no ta biba.’

Beibel na Papiamentu Koriente 2013

⁸ Herusalèm, laga tur e kosnan akí ta un atvertensia pa bo! Sino Mi ta bira lomba pa bo hasi bo un desierto, un lugá desolá kaminda niun alma no ta biba.’

Yeremías 6:8 ပူးပေါင်းရင်းမြစ်များ

Salmo 2:10

P'esei, reinan, usa kabes, pensa bon, gobernantenan di mundu!

Salmo 50:17

si bo no gusta pa Ami koregí bo i bo n' ta hisa mi palabranan fo'i suela?

Salmo 94:12

Felis e hende, SEÑOR, ku Bo ta skual, ku Bo ta instruí den bo lei,

Proverbionan 19:20

Skucha bon konseho, guli un skual mand'abou, t'asina so lo bo bira sabí.

Proverbionan 4:13

Dal tene na loke a siña bo, no laga lòs, warda nan, ta di nan bo bida ta dependé.

Yeremías 17:23

Pero nan no a tende ni no a tene kuenta ku loke Mi a bisa. Nan no ker a obedesé ni no a haña skremènt.

Yeremías 2:15

Nan ta gruñ'é i grit'é manera leon hambrá. Nan a hasi su pais un lugá desolá, su siudatnan ta destruí i niun alma n' ta biba einan mas.

Yeremías 31:19

Sí, nos a bira lomba pa Bo, pero awor nos ta arepentí. Bo a laga nos rekonosé nos falta i nos a baha nos kabes. Nos kara ta kai di bèrgwensa, nos tin asko di nos mes, nos hubentut tabata skandaloso, anto awe, ata e konsekuensia!”

Yeremías 32:33

Na lugá di bira kara pa Mi, nan a bira lomba pa Mi. Tòg kada be di nobo Mi a bisa nan kiko nan mester a hasi, pero nan no a skucha i no a hasi kaso na mi atvertensianan.

Yeremías 4:14

Herusalèm, laba kita maldat fo'i bo kurason, ta bo úniko salbashon. Pa kuantu tempu mas bo mente ta keda fomentá pensamentunan perverso?

Yeremías 7:20

P'esei Ami, SEÑOR Dios, ta bai baha ku furia ardiente riba e pais akí: riba hende i bestia, palu i kosecha. Mi furia lo ta meskos ku kandela ku niun hende no por paga.” ’

Yeremías 7:28

Bisa nan: Boso ta un pueblo ku ta nenga di skucha SEÑOR, boso Dios, i ku no ta aseptá korekshon. Fieldat a muri, e no ta eksistí mas!”

Yeremías 7:34

Mi ta bai pone un fin na bochincha di fiesta i gritunan di alegria den siudatnan di Huda i kayanan di Herusalèm; kantikanan di kasamentu lo no zona mas, pasobra e pais lo bira un solo ruina.

Yeremías 9:11

Pero SEÑOR ta anunsiá: ‘Herusalèm tambe Mi ta hasi un ruina, lugá pa chakalnan; i siudatnan di Huda Mi ta hasi lugá desolá, kaminda niun alma no ta biba mas.’

Ezekiel 23:18

E tabata kometé aktonan inmoral públikamente i tabata kita sunú pa tur hende. P'esei Mi a haña asko di dje, meskos ku di su ruman.

Hoséas 2:5

Pasobra nan mama a aktua komo prostituta, e ku tabata na estado di nan a komportá su mes bergonsoso. El a pensa: “Mi ta bai tras di mi amantenan, nan lo duna mi pan i awa, lana i lenen, zeta di oleifi i bibida.”

Hoséas 9:12

Te na ora nan lanta nan yu hòmbernan, Mi ta kita nan for di nan i no ta sobra niun hende mas. Desaster ta warda nan, ora Ami bira lomba pa nan.

Levítiko 26:34

E ora ei, durante tur e añanan ku boso ta den pais di boso enemigunan, boso pais bandoná ta gosa di un tempu di sosiegu i rekobrá asina e añanan ku boso no a dun'é sosiegu di sabat.

Sofonías 3:7

Mi a pensa: “Awor sí Herusalèm lo haña rèspèt di Mi, i laga Mi koregié. E ora ei lo Mi no tabatin nod'i destruyé i kumpli ku tur mi menasanan.” Pero ki ora! Su habitantenan a keda ku mes afan ku promé pa kometé tur sorto di maldat.

Deuteronomio 32:29

Si nan tabata un tiki sabí, nan lo mester a komprondé kon lo para ku nan.