Yeremías 5:1 - Papiamentu Bible 2013

¹ SEÑOR ta bisa: ‘Kana pasa den kayanan di Herusalèm! Wak bon rònt i tuma nota! Riba plenchinan tambe! Si boso haña maske ta ún hende ku ta hasi loke ta drechi i ku ta purba di ta honesto, Mi ta pordoná Herusalèm.’

Beibel na Papiamentu Koriente 2013

¹ SEÑOR ta bisa: ‘Kana pasa den kayanan di Herusalèm! Wak bon rònt i tuma nota! Riba plenchinan tambe! Si boso haña maske ta ún hende ku ta hasi loke ta drechi i ku ta purba di ta honesto, Mi ta pordoná Herusalèm.’

Yeremías 5:1 ပူးပေါင်းရင်းမြစ်များ

1 Reinan 19:10

Elías a kontestá: ‘SEÑOR, Dios soberano, mi a traha mashá duru pa Bo, pero e israelitanan a kibra e aliansa ku Bo a sera ku nan. Nan a tumba bo altánan i a mata bo profetanan ku spada. T'ami so a sobra i awor nan ta buska mi tambe pa mata.’

2 Krónikanan 16:9

SEÑOR su bista ta kontinuamente riba henter mundu pa yuda ku gran poder tur hende ku ta dediká nan mes di kurason i alma n'E. Tabata un lokura di bo di a pidi Aram sosten. Djawe padilanti lo bo biba kontinuamente den guera.’

Salmo 12:1

Ousilio, SEÑOR, pasobra fielnan a kaba, ya sinseridat a disparsé fo'i den hende.

Salmo 14:2

SEÑOR ta mira abou for di shelu riba yunan di hende, pa weta si tin ún ku ta sensato i ku ta buska Dios.

Salmo 14:3

Pero tur a kohe mal kaminda, tur a daña pareu. Nò, no tin ningun ku ta hasi bon, ni sikiera ún!

Salmo 94:16

Ken ta lanta pa mi kontra pekadónan, ken ta sali pa mi kontra malechornan?

Proverbionan 20:6

Hopi hende ta gaba nan mes bondat, pero fieldat berdadero, unda por haña esei?

Proverbionan 23:23

Kumpra bèrdat i sabiduria, siñansa i komprenshon. No bende nan pa nada di mundu!

Proverbionan 8:3

E ta alsa bos na porta di siudat, na entrada di stat, riba kaminda grandi.

E kanto di tur kanto 3:2

Mi mester lanta pa kana pasa den siudat, den kaya- i riba plenchinan, pa buska i buska e amor di mi bida, sin ku mi por hañ'é!

Isaías 59:4

Niun hende no ta duna keho na korte di hustisia, niun proseso no ta bai honestamente. Ta riba pruebanan bashí ta stèns i ta gaña ketu bai. Nan sintí ta priñá di plannan malbado i ta pari solamente maldat.

Yeremías 2:29

‘Boso no tin derecho di duna keho kontra Mi, pasobra boso mes a lanta kontra Mi,’ SEÑOR ta bisa.

Yeremías 44:15

Tur e hòmbernan ku tabata sa ku nan kasá tabata kima sakrifisio na honor di otro diosnan i tur e muhénan ku tabata pará eibanda den grupo grandi i tambe e israelitanan bibá den parti zùit di Egipto, a rospondé Yeremías:

Yeremías 8:6

M'a skucha nan ku atenshon, pero loke nan ta bisa no ta klòp. Niun hende no tin duele di nada, niun hende no ta puntra su mes: ‘Kiko m'a hasi?’ Tur hende ta hasi loke nan kièr, manera kabai ku ta kore drenta bataya.

Yeremías 9:2

Ai, mare mi por tabatin un posada den desierto, kaminda biaheronan ta pasa anochi! E ora ei por lo ménos mi por a evitá di topa ku mi pueblo i no tabatin mester di tolerá nan rònt di mi. Pasobra nan ta un tou di traidor: tur a kibra ku SEÑOR.

Yeremías 9:7

P'esei SEÑOR soberano ta bisa: ‘Kiko otro ta keda Mi di hasi ku mi pueblo sino tèst nan ku kandela i refiná nan? Nan a kometé muchu maldat.

Ezekiel 22:30

Mi a buska entre nan un hende ku lo por a lanta un muraya òf lo a bai para den un buraku den muraya pa defendé e pais kontra Mi, di manera ku Mi lo no a destruyé, pero Mi no a haña ningun hende.

Ezekiel 9:9

El a kontestá mi: ‘Israel i Huda a hasi nan kulpabel na e krímennan di mas grandi. Hopi sanger a drama den e pais, tur kaminda den siudat ta violá derecho. Nan ta pensa: “SEÑOR no ta mira e kos ei. El a bandoná e pais.”

Daniel 12:4

Pero abo, Daniel, tene e palabranan akí sekreto. E buki mester keda seyá te ora e fin yega. Hopi hende lo studi'é i konosementu lo oumentá.”

Yoel 2:9

Nan ta basha bai riba e siudat, kore subi e murayanan, penetrá den e kasnan, dor di bentana, manera ladron.

Amos 8:12

Nan lo kana dualu di Laman Morto te Mediteráneo i sigui di nort te ost, buskando palabra di SEÑOR sin hañ'é.

Zakarías 2:4

I el a bisa e angel akí: ‘Kore bai lihé serka e yònkuman aya ku e sinta di midi den su man i bis'é ku Herusalèm lo yena ku asina tantu hende i bestia di kria, ku lo no por traha muraya rònt di dje.

Lukas 14:21

Ora e kriá a yega kas, e kriá a pone su shon na altura di tur kos. E shon a rabia; el a bisa e kriá: “Hasi lihé! Drenta kayanan i hanchinan di siudat i trese hende pober, mankaron, siegu i koho aki den.”

2 Tesalonisensenan 2:10

Tambe e ta bini ku tur sorto di engaño malisioso pa desviá esnan ku ta bai pèrdí, pasobra nan no a habri nan mes pa stima bèrdat i asina haña salbashon.