Yeremías 48:2 - Papiamentu Bible 2013

² Fama di Moab a para kaba na nada. Na Hèshbon nan a sera kòmplòt pa kaba ku Moab. “Ban, nos ta ban anikilá e pueblo ei!” Denter di bo murayanan tambe, Madmen, pronto lo reina un silensio mortal; guera ta djis tra'i porta.

Beibel na Papiamentu Koriente 2013

² Fama di Moab a para kaba na nada. Na Hèshbon nan a sera kòmplòt pa kaba ku Moab. “Ban, nos ta ban anikilá e pueblo ei!” Denter di bo murayanan tambe, Madmen, pronto lo reina un silensio mortal; guera ta djis tra'i porta.

Yeremías 48:2 ပူးပေါင်းရင်းမြစ်များ

Isaías 15:1

Dios ta bai baha pisá riba Moab: E anochi ku a destruí e siudat Ar, Moab a peresé; e anochi ku a destruí Kir, Moab a peresé.

Isaías 15:5

Mi kurason ta sklama pa Moab. Hendenan ta hui bai te Soar i te Eglat-Shelishia. Na yoramentu nan ta subi kaminda pa Luhit. Riba kaminda pa Horonaim por tende e kehonan pa motibu di e destrukshon.

Isaías 16:14

Pero awor E ta bisa asin'akí: ‘Denter di tres aña, sin kita sin pone, ni hendenan prominente di Moab, ni e masa grandi lo no nifiká gran kos, pasobra ta un par, djis un grupito mizerabel so, lo keda.’

Isaías 25:10

Man di SEÑOR ta riba seru di Sion, ma Moab lo ta trapá bou di su pia, manera sa trapa foya di pal'i maishi den mèst.

Yeremías 25:15

SEÑOR, Dios di Israel, a bisa mi lo siguiente: ‘Tuma e beker di biña akí for di mi man. E ta yená ku mi ira. Duna tur e pueblonan, kaminda Mi manda bo, pa nan bebe for di dje.

Yeremías 25:17

Despues ku SEÑOR a bisa mi esei, mi a tuma e beker for di man di SEÑOR i laga tur e pueblonan, kaminda SEÑOR Dios a manda mi, bebe for di dje.

Yeremías 31:36

‘Mes sigur ku Mi ta sòru pa e leinan di naturalesa akí nunka no kambia, asin'ei tambe lo Mi sòru pa Israel keda mi pueblo pa semper i den tur eternidat.

Yeremías 33:24

‘Bo no a tende loke hende ta bisa? Nan ta pretendé ku Mi a arnegá Israel i Huda, e dos famianan ku Mi mes a skohe! Hende ku ta papia e kos akí no ta konsiderá mi pueblo mas komo un nashon, nan tin menospresio p'e.

Yeremías 46:28

P'esei, Yakob, mi sirbidó, no tene miedu, pasobra Mi ta ku bo. Maske Mi kaba ku tur e pueblonan, kaminda Mi a plama bo, abo sí Mi no ta destruí; maske Mi tin ku disipliná bo sí, manera bo a meresé, pasobra Mi no por laga bo bai sin mas.’

Yeremías 48:17

Boso, nashonnan ku ta biba den su bisindario, boso tur ku konosé su fama, tene rou pa e nashon ei. Bisa: “Kon por ta posibel! Mira kon destrosá su dominio a keda, un ten asina fuerte i glorioso!” ’

Yeremías 48:42

Moab ta destruí, e no ta un nashon mas, pasobra el a lanta kontra Mi ku soberbia.

Yeremías 48:45

E refugiadonan, kompletamente agotá, ta buska refugio na Hèshbon. Pero ata Hèshbon na kandela! Kandela ta sali for dje siudat dje antiguo rei Sihon. E ta devorá e pais di e yangá bashínan ei, for di e subidanan na parti wèst di Moab te na e sabana meimei.

Yeremías 49:3

‘Habitantenan di Hèshbon, grita yora, pasobra e siudat Ai ta destruí! Pueblonan bisiña di Raba, grita pidi ousilio, boso, bibá ei, bisti rou, lamentá! Kana pariba pabou manera karné pèrdí, pasobra boso dios Milkom ta bai den eksilio, huntu ku su saserdotenan i tur su ofisialnan.

Yeremías 49:37

Mi ta bai pone Elam tembla dilanti di su enemigunan mortal, Mi ta bai manda kalamidat p'e, lòs mi furia i manda guera kontra dje, te kaba kuné kompletamente. Ami, SEÑOR, ta afirmá esei.

Numbernan 32:37

Tribu di Ruben a rekonstruí e siguiente siudatnan den nan teritorio: