Yeremías 41:9 - Papiamentu Bible 2013

⁹ E renbak, kaminda Yishmael a tira kadaver di e hòmbernan ku el a asesiná, tabata e mesun renbak grandi ku rei Asa a laga traha tempu e tabata den guera ku rei Basha di Israel. Ta e renbak akí Yishmael a yena ku kadaver.

Beibel na Papiamentu Koriente 2013

⁹ E renbak, kaminda Yishmael a tira kadaver di e hòmbernan ku el a asesiná, tabata e mesun renbak grandi ku rei Asa a laga traha tempu e tabata den guera ku rei Basha di Israel. Ta e renbak akí Yishmael a yena ku kadaver.

Yeremías 41:9 ပူးပေါင်းရင်းမြစ်များ

2 Samuel 17:9

Sigur e ta tene su mes skondí den un kueba, òf kualke otro kaminda awor akí. Fo'i ora ku kai víktima den nos hendenan, ken ku ta por tende i bai bisa: “E trupanan ku ta sigui Absalon a sufri un derota formal.”

Isaías 14:19

Pero abo, a keda tirá leu for di bo graf, manera taki inútil, manera kadaver trapá; bo a keda tapá bou di sòldánan morto ku a muri den bataya i ku nan a benta den un graf masal di piedra.

Hebreonan 11:38

Nan tabata muchu bon pa e mundu akí! Nan tabata dualu den desierto i seru, i tabata biba den spelònk i buraku.

Huesnan 6:2

E midianitanan tabata oprimí e israelitanan. Komo e israelitanan tabatin hopi miedu di e midianitanan, nan a bai den seru i a traha lugá pa nan skonde den kueba i kaminda no tabata fásil pa hende yega.

1 Samuel 13:6

Ora e israelitanan a haña nan den pèrtá grandi i nan ehérsito tabata den peliger, nan a buska kaminda di skonde den kueba-, spelònk- i klofnan, den roi- i posnan seku.

1 Samuel 14:11

E ora ei nan dos a laga e filisteonan di e pòst mira nan. Esakinan a bisa: ‘Wak, ata e hebreonan a sali for di e kuebanan kaminda nan a skonde.’

1 Samuel 14:22

Ora e israelitanan skondí den e serunan di Efraim a haña sa ku e filisteonan tabata hui, nan tambe a sali bai persiguí nan i bringa ku nan.

1 Samuel 24:3

Banda di algun kurá di karné kantu di kaminda tabatin un kueba. Saul a drenta aden pa hasi su nesesidat. Pero te patras den e kueba David i su hòmbernan tabata skonde.