Yeremías 2:10 - Papiamentu Bible 2013

¹⁰ Krusa laman i bai wèst, e isla di Chipre, i wak rònt. O manda bo embahadornan parti ost, e tribu di Kedar, i investigá a fondo pa weta si un kos asina a yega di sosodé ántes.

Beibel na Papiamentu Koriente 2013

¹⁰ Krusa laman i bai wèst, e isla di Chipre, i wak rònt. O manda bo embahadornan parti ost, e tribu di Kedar, i investigá a fondo pa weta si un kos asina a yega di sosodé ántes.

Yeremías 2:10 ပူးပေါင်းရင်းမြစ်များ

Génesis 25:13

Nebayot tabata e yu mayó; despues a sigui Kedar, Adbeel, Mibsam,

1 Reinan 9:9

Lo kontestá nan: “Pasobra nan a bandoná SEÑOR, nan Dios, ku a saka nan antepasadonan for di Egipto, i nan a gara na otro diosnan ku nan a sirbi i adorá. P'esei SEÑOR a laga tur e desgrasianan akí kai riba nan.” ’

1 Krónikanan 1:7

Yawan tabatin e siguiente desendientenan: Elisha, Tarsis i e habitantenan di Chipre i Rodos.

1 Krónikanan 23:1

Ora David a bira bieu i su dianan tabata kontá, el a nombra su yu Salomon komo rei di Israel.

1 Krónikanan 23:12

Kehat tabatin kuater yu hòmber: Amram, Yishar, Gebron i Uziel.

Salmo 120:5

Ai, mi pober mester biba na Mèshèk, meimei di tènt di Kedar!

Isaías 21:16

T'esaki Señor a bisa mi: ‘Denter di un aña sin kita sin pone, grandesa di Kedar lo kaba na nada.

Isaías 23:1

Dios ta baha pisá riba Tiro. Barkunan grandi di karga, yora malai, pasobra Tiro ta destruí, niun kas no a keda riba pia! Bolbiendo for di Chipre, ya boso a tende e notisia.

Isaías 23:12

Lo yega un fin na boso fiestanan, habitantenan di Sidon. Boso siudat t'un bírgen violá. Boso por hui bai Chipre, pero aya tampoko boso bida no ta sigur.

Yeremías 49:28

SEÑOR ta bisa lo siguiente di e tribu Kedar i e distritonan bou di kòntròl di e siudat Hasor, ku rei Nebukadnèsar di Babilonia a konkistá: ‘Ban mira! Ataká Kedar! Kaba ku e tribunan bibá pariba den desierto!

Ezekiel 16:16

Na e lugánan di ofresé sakrifisio bo a habri bo pañanan di hopi koló pa entregá bo aya komo muhé di bida na tur hende. Nunka ántes algu asina no a yega di sosodé ni tampoko lo no sosodé nunka mas.

Ezekiel 27:21

Arabia i e hefenan di tribu di Kedar tabata paga pa bo merkansianan ku lamchi, chubat'i karné i chubatu.

Ezekiel 27:6

For di pal'i ekel di Bashan a kòrta bo remanan. Ku pal'i pino for di Chipre a forma bo dèk, un dèk ku mosaiko di ivor.

Ezekiel 5:7

P'esei Ami, SEÑOR Dios, ta bisa nan: Boso ta mas rebelde ainda ku e pueblonan rondó di boso. Boso no ta kumpli ku mi leinan i reglanan, ni asta ku esunnan di e otro pueblonan.

Daniel 11:18

E ora ei e ta ataká e paisnan na kosta i konkistá gran parti di nan. Pero un ofisial militar ta pone un fin na su aktuashon arogante, sin ku e por venga e derota akí.

Daniel 11:30

Hende di parti wèst ta bini ku barku. Nan ta pon'é pèrdè kurashi i bira bèk. E ta baha su rabia riba e pueblo di e aliansa santu i ta bira amigu di esnan ku ta infiel na e aliansa akí.

Numbernan 24:24

Esnan ku ta fòrsa drenta for di Chipre! Nan ta konkistá Asiria i someté Ebèr. Pero nan tambe lo keda destruí!’

1 Korintionan 5:1

Ta bon konosí ku ta reina inmoralidat serka boso, anto un tipo di inmoralidat asina baho ku bo no ta haña ni serka pagano mes: un di boso ta drumi ku su mes madrasa!

Huesnan 19:30

Ken ku a mira a bisa: ‘For di dia ku e pueblo di Israel a sali for di Egipto te awe, un kos asina akí no a sosodé; ni nunka nos no a mira un kos asina. Nos mester papia e kos akí i disidí kiko nos ta hasi.’