Yeremías 11:19 - Papiamentu Bible 2013

¹⁹ Te na e momento ei mi tabata ingenuo manera lamchi ku ta laga nan hib'é bai mata. Mi no a ripará ku ta kontra ámi nan tabata tramando algu. Nan tabata bisa: ‘Ban kap e palu ei miéntras e ta bèrdè ainda. Ban rank'é for di e bida akí, pa nunka niun hende mas no menshoná su nòmber.’

Beibel na Papiamentu Koriente 2013

¹⁹ Te na e momento ei mi tabata ingenuo manera lamchi ku ta laga nan hib'é bai mata. Mi no a ripará ku ta kontra ámi nan tabata tramando algu. Nan tabata bisa: ‘Ban kap e palu ei miéntras e ta bèrdè ainda. Ban rank'é for di e bida akí, pa nunka niun hende mas no menshoná su nòmber.’

Yeremías 11:19 ပူးပေါင်းရင်းမြစ်များ

Job 28:13

Niun hende no konosé e kaminda pa sabiduria; e ta fuera di hende su alkanse.

Salmo 109:13

Ku su futuro por keda ruiná i su nòmber por ta lubidá ya despues di ún generashon.

Salmo 112:6

Un hende asina nunka lo no faya; semper nan lo sigui rekordá un hende hustu.

Salmo 116:9

Mi ta kana den presensia di SEÑOR den tera di bibunan.

Salmo 142:5

SEÑOR, mi ta sklama na Bo, mi ta bisa Bo: ‘Bo ta mi refugio, Bo ta tur loke mi tin den mi bida.’

Salmo 27:13

Mi sa ku lo mi sinti den mi bida bondat di SEÑOR.

Salmo 31:13

Mi por tende hende kuchikuchi, tur kaminda tin teror; nan ta traha kòmplòt kontra mi, un plan pa kita mi bida.

Salmo 35:15

Ma ora mi a trompeká, nan a gosa i nan a kore bini huntu, bini huntu pa dal mi di gòlpi, nan no a kansa di sara mi;

Salmo 52:5

Ma Dios lo kibra bo pa kaba, kohe bo lastra fo'i bo tènt, lo E saka bo rais afó, ranka bo for di tera di bibunan.

Salmo 83:4

Nan ta grita: Ban kaba ku e pueblo ei, di manera ku nòmber di Israel no keda menshoná nunka mas.

Proverbionan 10:7

Rekordá bon hende ta rekordá bendishon, nòmber di mal hende ta putri bai.

Proverbionan 24:15

No drumi warda manera un bandidu kontra kas di un hende hustu, no destruí su hogar;

Proverbionan 7:22

Sin pèrdè pa gana el a sigui e muhé, manera un baka ku ta bai plenchi, manera un biná ku ta bula bula drenta un trampa,

Isaías 32:7

E sinbèrgwensa tin triki kriminal, e ta inventá tur sorto di intriga pa den korte e laga hende pober kai den trampa, armá ku deklarashonnan falsu, miéntras k'e pober diabelnan akí ta solamente nan derecho nan ta eksigí.

Isaías 38:11

Mi di: “Nunka mas lo mi n' mira SEÑOR den tera di bibunan; nunka mas mi tampoko, manera esnan den mundu di sombra, lo no fiha mi bista riba hende nunka mas.

Yeremías 1:19

Nan lo lanta kontra bo, sin por konkistá bo. Pasobra Ami lo ta huntu ku bo i lo protegé bo. Ami, SEÑOR, ta duna mi palabra.’

Yeremías 18:18

SEÑOR, tin hende ku ta bisa: ‘Ban trama un plan pa deshasí di Yeremías. Pasobra tòg nos lo no tin falta nunka di saserdote ku por instruí nos den Lei, di hòmber ku eksperensia ku por duna nos konseho òf di profeta ku por transmití Palabra di Dios pa nos. Ban presentá un keho kontra dje i no paga atenshon na su palabranan.’

Yeremías 20:10

Mi ta tende tur hende kuchikuchi: ‘Ata e hòmber ku ta mira teror tur kaminda ta bai aya! Nos n' por denunsi'é?’ Asta mi mihó amigunan ta drumi warda pa weta si mi n' ta kometé niun vupa. Nan ta bisa: ‘Podisé e ta kai den trampa, e ora ei nos ta gar'é i tuma vengansa riba dje.’

Yeremías 26:8

E no a kaba di bisa loke SEÑOR a mand'é anunsiá e pueblo, ku nan a koh'é tene i grita: ‘E kos akí ta kosta bo bo bida!

Lamentashonnan 3:60

Bo a mira tur nan set di vengansa i nan kònkelmentu kontra mi.

Ezekiel 32:24

Ata e pueblo di Elam aya: e rei rondoná pa e grafnan di tur su sòldánan. Nan a muri den bataya, insirkunsidá nan a baha bai den mundu bou di tera. Un tempu nan a sembra pániko den mundu di bibunan. Awor nan ta toka parti na humiliashon di esnan ku a baha bai den reino di morto.

Daniel 9:26

Despues di e sesentidos simannan nan ta kita bida di un hende konsagrá, sin ku e tabata kulpabel. I un lider lo bini ku su ehérsito i destruí e siudat i e tèmpel. E fin lo yega manera un inundashon i guera ku destrukshon lo sigui te na final, manera tabata determiná.

Hoséas 9:8

Efraim ta tene mi Dios na bista, i pa su profeta nan ta pone trampa unda ku e bai, i ta trat'é komo enemigu te den kas di su Dios.

Numbernan 1:14

for di tribu di Gad: Elyasaf, yu di Deuel;