Salmo 71:1 - Papiamentu Bible 2013

¹ SEÑOR, serka Bo mi ta skonde, hasi pa nunka mi no keda brongosá.

Beibel na Papiamentu Koriente 2013

¹ SEÑOR, serka Bo mi ta skonde, hasi pa nunka mi no keda brongosá.

Salmo 71:1 ပူးပေါင်းရင်းမြစ်များ

2 Reinan 18:5

Ezekías tabata konfia den SEÑOR, Dios di Israel. Ni promé ni despues di dje no tabatin un rei manera e na Huda.

1 Krónikanan 5:20

Nan a pone nan konfiansa den Dios i a resa pidi su yudansa. Dios a skucha nan orashon, yuda nan den bataya di manera ku e hagritanan i nan aliadonan a kai den nan man.

Salmo 125:1

Esnan ku ta konta ku SEÑOR ta manera Seru di Sion: nunka nan no ta tambaliá, nan ta firme sintá pa semper.

Salmo 146:5

Felis ta esun ku ta buska su yudansa serka Dios di Yakob, esun ku ta pone su konfiansa henteramente den SEÑOR su Dios,

Salmo 22:5

Ta na Bo nan a sklama i nan a skapa, nan a buta nan konfiansa den Bo sin ku nan a keda brongosá.

Isaías 45:17

Pero Israel ta haña di SEÑOR libertat, un libertat sin límite. Hamas i nunka l'e no ta brongosá ni deshonrá.

Yeremías 17:18

Laga mi persiguidónan keda brongosá, pero ami si nò; hinka teror den nan kurpa, no den esun di mi. Laga e dia di desgrasia bini pa nan; destruí nan mal destruí.

Romanonan 9:33

manera tin skibí den Skritura: ‘Mira, Mi ta bai pone un piedra den Sion, ku ta pone hende trompeká, un barank'i piedra ku ta ofendé nan. Anto esun ku kere den djE, lo no keda bergonsá.’

1 Pedro 2:6

Pasobra tin pará den Skritura: ‘Mira, Mi ta bai pone un piedra ku ta esun prinsipal riba Sion; ta un piedra skohí i balioso. Anto esun ku kere den djE lo no keda bergonsá.’