Salmo 69:21 - Papiamentu Bible 2013

²¹ Den mi kuminda nan a bruha venenu, pa mi set nan a duna mi binager.

Beibel na Papiamentu Koriente 2013

²¹ Den mi kuminda nan a bruha venenu, pa mi set nan a duna mi binager.

Salmo 69:21 ပူးပေါင်းရင်းမြစ်များ

Predikador 4:1

Despues mi a dirigí mi atenshon riba e aktonan di opreshon ku hende ta kometé den e mundu akí. I mi a mira hende oprimí yora, pero no tin hende pa konsolá nan; nan opresornan ta trata nan ku violensia, pero no tin hende pa konsolá nan.

Yeremías 23:15

P'esei SEÑOR soberano ta bisa di e profetanan di Herusalèm: ‘Mi ta duna nan sentebibu pa kome i awa venená pa bebe; ta nan falta ku den henter e pais no a sobra niun hende ku ta tene kuenta ku Mi mas.’

Yeremías 8:14

Hende di Huda ta puntra nan mes: ‘Pakiko nos ta sinta aki pòrnada? Ban mira, tur hende ban e siudatnan reforsá, ban warda nos morto. Sí, SEÑOR a firma nos sentensia di morto: E ta duna nos awa venená bebe, pasobra nos a peka kontra djE.

Yeremías 9:15

p'esei Ami, SEÑOR soberano, Dios di Israel, a bisa: “Mira, Mi ta bai duna e pueblo akí sentebibu p'e kome i awa venená p'e bebe.

Lamentashonnan 1:2

Henter anochi e ta yora amargamente, awa ta laba su kara. Den tur su amantenan no tin niun pa konsol'é. Tur su amigunan, infiel, a lanta kontra dje.

Lamentashonnan 1:9

Su paña ta tur sushi na su mes sanger, e n' pensa niun momento ki' lo para di dje. Ta inkreibel e manera k'el a kai; no tin hende pa konsol'é. Awor e ta grita: ‘SEÑOR, mira mi mizeria, wak kon e enemigu a poderá di mi!’

Mateo 27:34

Ei nan a duna Hesus bebe biña bruhá ku un supstansia marga, ma ora El a purb'é, e no ker a beb'é.

Mateo 27:48

Mesora un di nan a kore bai kohe un spòns, dòp e den biña zür barata, pon'é na un pida palu i a duna Hesus bebe.

Marko 15:23

Ei nan a purba dun'É biña bruhá ku mira bebe, ma E no a tum'é.

Marko 15:36

Un di nan a kore bai dòp un spòns den biña zür i pon'é na un pida palu. El a duna Hesus bebe i bisa: ‘Ban mira awor si Elías ta bin bah'é!’

Lukas 23:36

E sòldánan tambe tabata hasi bofon di djE. Nan a bin ofres'É biña zür

Deuteronomio 29:18

No laga pa ningun di boso, ni hòmber, ni muhé, ni famia, ni tribu, awe bira lomba pa SEÑOR, nos Dios, bai adorá e diosnan di e nashonnan ei! No laga ningun di boso bira manera un mata ku ta produsí venenu marga.