Salmo 51:8 - Papiamentu Bible 2013

⁸ Laga mi tende di fiesta i alegria pa mi wesunan kibrá por ta kontentu.

Beibel na Papiamentu Koriente 2013

⁸ Laga mi tende di fiesta i alegria pa mi wesunan kibrá por ta kontentu.

Salmo 51:8 ပူးပေါင်းရင်းမြစ်များ

1 Krónikanan 29:17

Mi sa, SEÑOR, ku Bo ta weta den kurason di hende i ku sinseridat ta agradá Bo mas ku tur kos. Mi a duna Bo tur e kosnan akí boluntariamente i ku un kurason sinsero. I ku alegria mi a weta kon bo pueblo ku ta aki presente spontáneamente a trese regalo pa Bo.

Salmo 13:5

Ma ami, mi ta konfia den bo grasia, mi kurason ta hubilá bo salbashon.

Salmo 30:11

Bo a kambia mi luto na balia, Bo a kita mi paña di rou, kaba Bo a bisti mi di fiesta.

Salmo 35:10

Di henter mi alma lo mi bisa: ‘SEÑOR, ken ta manera Bo? Abo ku ta libra un hende débil di unu mas fuerte kuné, un hende den mesté i un pober di esnan ku ta eksplotá nan.’

Salmo 38:3

No tin parti sin herida na mi kurpa, pa motibu di bo ira kontra mi; no a keda mi ningun wesu sano despues ku mi a hasi piká.

Isaías 35:10

Esnan ku SEÑOR a reskatá ta bini Sion hubilando. Un alegria sin fin ta pone nan kara bria, un goso sin midí ta poderá di nan. Tur pena i kehamentu ta disparsé pa semper.

Yeremías 5:3

Ma n' ta hende sinsero Bo ta buska, SEÑOR? Bo a gòlpia e pueblo akí, pero esei no a sirbi pa nada. Bo a aplastá nan, pero nan a nenga di kohe kurpa. Nan ta kabesura, nan ta nenga di bolbe serka Bo.’

Mateo 5:4

Felis esnan ku ta tristu; Dios lo konsolá nan.

Lukas 4:18

‘Spiritu di Señor ta riba Mi, p'esei El a ungi Mi pa anunsiá e bon notisia na pobernan. El a manda Mi proklamá libertat pa prezunan; bista pa siegunan; i pa esnan oprimí, libertat.