Salmo 5:5 - Papiamentu Bible 2013

⁵ Bo bista no ke mira arogansia, Bo ta odia malechornan.

Beibel na Papiamentu Koriente 2013

⁵ Bo bista no ke mira arogansia, Bo ta odia malechornan.

Salmo 5:5 ပူးပေါင်းရင်းမြစ်များ

Salmo 1:5

Mal hende no ta resistí ora di huisio, ni pekadó na reunion di hende hustu.

Salmo 10:3

Pekadó ta broma ku su kièr ta triunfá, e ta sigui stafa hende i maldishoná, sí, ta SEÑOR e ta menospresiá.

Salmo 11:5

SEÑOR ta tèst hende hustu i pekadó. Di henter su kurason E ta odia esnan ku ta gusta violensia.

Salmo 130:3

Si Bo kòrda nos pikánan, SEÑOR, ken lo por wanta bo huisio?

Salmo 14:1

Hende bobo ta bisa den nan mes: ‘Ai nò, no tin Dios!’ Kos malu i horibel nan ta hasi, ningun no ta hasi bon.

Salmo 73:3

pasobra mi tabata yalurs riba hende yen di arogansia, kada be ku mi tabata mira prosperidat di hende malbado.

Salmo 75:4

M'a bisa hende arogante: “Stòp di broma!” i pekadó: “No kana hasi grandi.

Salmo 92:6

Hende bobo no ta komprondé, hende sin sintí no tin idea.

Salmo 94:8

Paga tinu boso, hende di mas bobo, ki dia boso, hende sin sintí, ta pone boso kabes pareu?

Proverbionan 1:22

Boso sin eksperensia di bida, kuantu tempu mas boso ta keda gusta ineksperensia? Kuantu tempu mas esnan ku ta bira lomba pa bondat ta sigui bira lomba? I e kènsnan? Kuantu tempu mas nan ta odia konosementu?

Proverbionan 1:7

Pa bo bira sabí bo mester tin rèspèt di Dios promé. Esun ku no tin rèspèt di Dios ta menospresiá sabiduria di bida i e no ta aseptá korekshon tampoko.

Proverbionan 15:9

SEÑOR ta repudiá loke mal hende ta hasi, pero ta stima esnan ku ta kore tras di hustisia.

Proverbionan 8:5

Boso ei, ku no tin eksperensia di bida i boso sin komprondementu, siña kon pa biba.

Predikador 5:4

Ora bo hasi un promesa na Dios, no tarda pa kumpli, pasobra Dios no ta gusta hende dònferstan. Kumpli ku loke bo primintí,

Hoséas 9:15

SEÑOR ta bisa: ‘Na Guilgal a sali na kla kon malu nan ta, aya Mi a kuminsá odia nan. Komo nan a hasi asina tantu maldat lo Mi kore ku nan fo'i mi kas; Lo Mi no stima nan mas. Tur nan lidernan a lanta kontra Mi.

Levítiko 20:23

No sigui kustumber di e pueblonan ku Mi ta bai kore kuné pa boso haña e pais; pasobra nan a hasi tur e aktonan bergonsoso ei i Mi a haña asko di nan.

Habakuk 1:13

Nèt Abo, ku no sa mira malu ku wowo, ku no por wanta inhustisia, pakiko Bo ta keda ta blo mira, miéntras e hendenan traishonero akí ta hasi i deshasí? Pakiko Bo ta keda ketu ora e malbadonan ei ta habraká otro hende ku ta muchu mas hustu ku nan?

Zakarías 11:8

Den un luna mi a kaba ku tres wardadó. Pero mi a pèrdè pasenshi ku e karnénan i nan tambe a fada di mi.

Mateo 25:41

Despues lo E bisa esnan pará na su man robes: “Bai for di Mi, boso maldishoná pa Dios! Bai den e kandela eterno ku ta prepará pa diabel i su angelnan.

Mateo 7:23

Anto e ora ei lo Mi deklará públikamente na nan: “Nunka Mi no a konosé boso! Bai for di Mi, malechornan.”