Romanonan 8:19 - Papiamentu Bible 2013

¹⁹ Ku un deseo profundo kreashon tambe ta anhelá e momento ku Dios lo mustra klaramente ken ta su yu,

Beibel na Papiamentu Koriente 2013

¹⁹ Ku un deseo profundo kreashon tambe ta anhelá e momento ku Dios lo mustra klaramente ken ta su yu,

Romanonan 8:19 ပူးပေါင်းရင်းမြစ်များ

Isaías 65:17

‘Paga tinu, Mi ta bai krea un tera nobo i un shelu nobo. Niun hende no ta kòrda mas riba pasado, ni n' ta anhel'é.

Hoséas 1:10

Un dia e israelitanan lo ta numeroso manera pipita di santu di laman, ku no por midi òf konta; i kaminda a yega di bisa nan un dia: ‘Boso no ta mi pueblo,’ aya ta bisa nan awor: ‘Boso ta yu di Dios bibu.’

Mateo 5:9

Felis esnan ku ta trese pas; Dios lo yama nan su yu.

Huan 1:12

Esnan ku sí a asept'É, ku a pone nan fe den su nòmber, El a duna derecho pa bira yu di Dios.

Echonan 3:21

Hesus mester a keda tumá den shelu te ora tempu pa restourá tur kos yega. Tokante esei Dios a yega di papia for di ántes kaba, pa medio di su profetanan santu.

Romanonan 8:14

Tur hende ku ta laga Spiritu di Dios guia nan ta yu di Dios.

Romanonan 8:16

E mesun Spiritu ta konfirmá loke nos spiritu ta testiguá, esta ku nos ta yu di Dios.

Romanonan 8:18

Mi ta konvensí ku sufrimentu ku nos ta pasa aden awor akí no ta di kompará ku e gloria ku Dios lo mustra nos.

Romanonan 8:23

No ta kreashon so ta keha, pero nos tambe, ounke ya nos tin Spiritu Santu komo promé fruta di e kosecha benidero. Nos mes tambe ta keha intensamente i nos ta anhelá pa Dios adoptá nos komo su yu, pa di e manera ei nos kurpa keda kompletamente librá.

Romanonan 9:26

I kaminda a yega di bisa nan: “Boso no ta mi pueblo,” aya ta yama nan awor: “yu di Dios bibu”.’

1 Korintionan 1:7

Miéntras ku boso ta warda ansiosamente riba e momento ku nos Señor Hesu-Kristu aparesé, boso no falta niun don spiritual.

1 Korintionan 1:8

Lo E laga boso keda firme pará te na final, ya asina boso por ta liber di tur reproche riba e dia ku nos Señor Hesu-Kristu bini bèk.

2 Korintionan 6:18

Ami lo ta un Tata pa boso i boso lo ta mi yu, hòmber i muhé.’ Esei ta loke Señor Todopoderoso ta bisa.

Galatanan 3:26

Boso tur ta yu di Dios pa medio di fe den Kristu-Hesus,

Filipensenan 1:20

Ta mi deseo i speransa ku lo mi no hasi nada ku despues ta pone mi kara na bèrgwensa. Mi ta spera ku, manera semper, awor akí tambe mi tin kurashi pa engrandesé Kristu den tur loke mi ta, sea ku mi ta morto òf bibu.

Kolosensenan 3:4

Boso bida real ta Kristu mes i ora E bini bèk, boso tambe lo aparesé huntu kunÉ i kompartí su gloria.

Hebreonan 12:27

E palabranan ‘un bia mas’ ta mustra ku e kosnan ku por tambaliá, ke men kos ku ta kreá, lo disparsé, di manera ku loke no por tambaliá, lo keda.

1 Pedro 1:13

P'esei sea prepará i huisioso. Spera tur ku tin riba loke Dios lo duna boso den su grasia, dia Hesu-Kristu bini bèk.

1 Pedro 1:7

No ta asina ku ta den kandela sa tèst kalidat di oro, oro ku un dia ta kaba na nada? Meskos asina boso fe, ku tin muchu mas balor ku oro, ta pasa den prueba pa tèst su kalidat. Anto si boso fe pasa e prueba ku éksito, boso lo haña aprobashon, gloria i honor dia Hesu-Kristu bini.

1 Huan 3:1

Mira kuantu Dios Tata ta stima nos: E ta pèrmití nos karga e nòmber ‘yu di Dios’! Anto enberdat esei nos ta tambe! Ta p'esei mes esnan ku ta sigui mundu no sa ken nos ta, pasobra nan no a siña konosé Dios.

1 Huan 3:2

Keridonan, awor akí nos ta yu di Dios i ounke te ainda no ta revelá loke nos lo bira, nos sa ku ora Kristu bini nos lo ta manera E, pasobra nos lo mir'É manera E ta en realidat.

Revelashon 21:7

Es ku triunfá lo haña tur e kosnan akí, i lo Mi ta su Dios i e mi yu.