Romanonan 7:6 - Papiamentu Bible 2013

⁶ Sinembargo awor nos ta morto pa Lei di Moises, e Lei ku tabatin nos prezu. Di e manera ei nos ta liber pa sirbi Dios den e bida nobo di su Spiritu i no segun e reglanan di e Lei bieu.

Beibel na Papiamentu Koriente 2013

⁶ Sinembargo awor nos ta morto pa Lei di Moises, e Lei ku tabatin nos prezu. Di e manera ei nos ta liber pa sirbi Dios den e bida nobo di su Spiritu i no segun e reglanan di e Lei bieu.

Romanonan 7:6 ပူးပေါင်းရင်းမြစ်များ

Ezekiel 11:19

Lo Mi duna nan un kurason nobo i un spiritu nobo. Na lugá di un kurason di piedra Mi ta duna nan un kurason bibu.

Ezekiel 36:26

Lo Mi duna boso un kurason nobo i un spiritu nobo; lo Mi saka e kurason di piedra for di boso kurpa i duna boso un kurason kayente di karni na su lugá.

Romanonan 1:9

Sí, Dios ta mi testigu ku mi ta kòrda boso konstantemente den orashon. Mi ta sirbiÉ di kurason predikando e bon notisia tokante su Yu.

Romanonan 12:2

I no laga e manera di pensa di e mundu akí forma boso, al kontrario, laga Dios transformá boso i duna boso un manera nobo di pensa. E ora ei boso lo konstatá kiko E ke di boso, esta loke ta bon, agradabel i perfekto.

Romanonan 6:11

Meskos boso tambe, sigur sigur, mester konsiderá boso mes morto pa piká, pero bibu pa Dios, ya ku boso ta uní ku Kristu-Hesus.

Romanonan 6:19

Komo mi ta papia ku hende débil, mi ta hasié for di punto di bista humano. Si ántes boso a entregá boso kurpa pa sirbi impuresa i maldat, i asina boso a kai den mas maldat, entregá awor kada parti di boso kurpa pa hasi hustisia. Esei ta hiba na un bida santu.

Romanonan 6:2

Apsolutamente ku nò! Nos ta morto kaba enkuanto piká. Kon anto nos por sigui biba un bida di piká?

Romanonan 6:22

Awor ku Dios a libra boso di piká, boso a drenta den sirbishi di Dios; ku esei sí boso a gana algu: un bida santu i na final bida eterno!

Romanonan 6:4

Ke men ku pa medio di nos boutismo nos tabata derá i a muri huntu ku Kristu, pa meskos ku El a keda lantá for di morto pa medio di poder glorioso di Tata, nos tambe lo ta lantá for di morto pa biba un bida nobo.

Romanonan 7:1

Rumannan, sigur sigur boso ku konosé Lei di Moises sa ku e Lei ei tin poder riba un hende miéntras e ta na bida.

Romanonan 7:2

Por ehèmpel, un esposa ta mará na su esposo pa Lei tanten e esposo ta na bida, pero si e esposo fayesé, e muhé ei no ta mará mas na e Lei ku tabata uni su esposo kuné.

Romanonan 7:4

Asina ta sosodé ku boso tambe, mi rumannan. Ta pasobra Kristu a sakrifiká su kurpa, boso ta morto pa loke ta trata Lei di Moises. Awor boso ta pertenesé na un otro, esta, na Esun ku a lanta for di morto pa nos por biba un bida fruktífero pa Dios.

2 Korintionan 3:6

ku ta hasi nos kapas di ta sirbidó di un aliansa nobo ku no ta dependé di un lei skibí, pero di Spiritu Santu. E lei skibí ta trese morto, pero Spiritu Santu ta duna bida.

2 Korintionan 5:17

Un hende ku ta uní ku Kristu ta un kreashon nobo. E kosnan di ántes a pasa bai i loke ta nobo a yega.

Galatanan 3:13

Kristu a reskatá nos di e maldishon ku Lei di Moises ta trese dor di bira un maldishon pa nos motibu. El a bira un maldishon, pasobra Skritura ta bisa: ‘Maldishoná ta tur esnan ku muri kologá na un palu.’

Galatanan 6:15

Si un hende ta sirkunsidá òf nò, no tin niun balor; importante ta bira un kreashon nobo!

Efesionan 4:24

i boso mester biba manera hende nobo, kreá segun imágen di Dios, hende ku ta biba un bida rekto i hustu, inspirá pa bèrdat.

Filipensenan 3:3

Pasobra ta nos ta esnan ku a risibí e sirkunsishon berdadero; nos ku ta adorá Dios pa medio di su Spiritu i ta basa nos orguyo riba Kristu-Hesus, sin konfia riba kosnan eksterno.

Kolosensenan 3:10

i boso a kuminsá biba manera hende nobo, ku Dios, e Kreador, ta sigui renobá pa asina boso kambia den su imágen i siña konos'É di bèrdat.