Romanonan 5:16 - Papiamentu Bible 2013

¹⁶ Tin un diferensia entre e don di Dios i e piká di esun hende Adam, pasobra despues di e piká di Adam a sigui un huisio ku a resultá den kondenashon, pero despues di e pikánan di tantísimo otro hende a sigui un don di Dios i e don ei tabata pordon kompleto.

Beibel na Papiamentu Koriente 2013

¹⁶ Tin un diferensia entre e don di Dios i e piká di esun hende Adam, pasobra despues di e piká di Adam a sigui un huisio ku a resultá den kondenashon, pero despues di e pikánan di tantísimo otro hende a sigui un don di Dios i e don ei tabata pordon kompleto.

Romanonan 5:16 ပူးပေါင်းရင်းမြစ်များ

Isaías 1:18

SEÑOR ta bisa: ‘Bini, laga nos ban pleita e kaso! Boso pikánan ta kòrá manera sanger, pero nan por bira blanku manera lechi; nan ta kòrá manera kandela, pero nan por bira blanku manera lana puru.

Isaías 43:25

Mi no debe bo nada, pero sinembargo Mi ta pordoná bo rebeldia, pasobra t'asina Mi ta, Mi no ta keda pensa riba bo pikánan.

Isaías 44:22

M'a laga bo rebeldia disparsé manera nubia, bo pikánan manera neblina. Mi a sali pa bo, bini bèk serka Mi.’

Mateo 6:14

Si boso pordoná hende nan faltanan, boso Tata ku ta den shelu tambe lo pordoná boso.

Romanonan 8:1

Ke men antó, awor akí no tin kondenashon pa esnan ku ta uní ku Kristu-Hesus.

1 Korintionan 11:32

Pero awor E ta kastigá i koregí nos pa E no kondená nos huntu ku esnan ku ta pertenesé na e mundu akí.

Galatanan 3:10

Pasobra tur esnan ku ta konfia riba Lei di Moises pa haña salbashon ta maldishoná, ya ku Skritura ta bisa: ‘Maldishoná ta esun ku no ta kumpli fielmente ku tur loke ta den buki di Lei.’

Hakobo 2:10

Pasobra ken ku aten'é na henter Lei, pero faya ku djis ún mandamentu so ta resultá kulpabel di a faya ku tur e otro mandamentunan.