Romanonan 2:17 - Papiamentu Bible 2013

¹⁷ Pero abo ta yama bo mes hudiu, bo ta konfia riba Lei di Moises i ta orguyoso di bo Dios.

Beibel na Papiamentu Koriente 2013

¹⁷ Pero abo ta yama bo mes hudiu, bo ta konfia riba Lei di Moises i ta orguyoso di bo Dios.

Romanonan 2:17 ပူးပေါင်းရင်းမြစ်များ

Salmo 135:4

Komo SEÑOR a skohe Yakob, Israel pa su propiedat.

Isaías 45:25

Pero tur desendiente di Yakob lo haña nan derecho serka djE i esei lo pone nan gab'É.

Mikéas 3:11

Gobernantenan di e siudat ta husga na fabor di esnan, ku ta susha nan man. Lidernan religioso ta kobra pa splika lei. Profetanan ta hasi revelashonnan solamente na esnan, ku paga nan i ainda nan ta pretendé ku SEÑOR ta ku nan. Nan ta bisa: “Ningun kalamidat lo no kai riba nos, SEÑOR ta ku nos.”

Sofonías 3:11

Ora e dia ei yega, boso, mi pueblo, no mester tin bèrgwensa, ku boso a lanta kontra Mi i a kometé asina tantu maldat. Pasobra e ora ei Mi ta bai apartá for di den boso seno tur ku ta papia ku tono orguyoso i arogante i boso lo no komportá boso sobèrbè riba mi seru santu.

Mateo 3:9

No pensa den boso mes ku boso ta skapa pasobra boso ta desendiente di Abraham. Ami ta bisa boso: Dios por traha desendiente pa Abraham for di e piedranan ku tin aki.

Lukas 10:28

Hesus a bis'é: ‘Bo ta korekto. Hasi e kosnan akí i lo bo biba!’

Huan 5:39

Boso ta skrudiñá Skritura kere ku den nan boso por haña bida eterno. Anto ta di Ami mes Skritura ta papia!

Huan 5:45

No pensa ku ta Ami ta bai akusá boso dilanti di mi Tata. Ta Moises lo akusá boso, e mesun Moises den ken boso a pone boso speransa.

Huan 7:19

Moises a duna boso lei, ma niun di boso no ta obedesé e lei ei. Pakiko boso ta buska Mi pa mata?’

Huan 8:33

Nan a bisa Hesus: ‘Nos ta desendiente di Abraham i nunka nos no tabata katibu di niun hende! Kon Bo por bisa: “Boso lo bira liber?” ’

Huan 8:41

Ma boso ta hasi loke boso tata ta hasi.’ Nan a bis'É: ‘Nos no ta yu djafó, Dios mes ta nos úniko Tata!’

Romanonan 2:23

Abo ta broma ku Lei di Moises, pero bo ta kibra lei i asina bo ta rebahá Dios.

Romanonan 3:27

Unda antó orguyo di hende a keda dilanti di Dios? El a keda eliminá! Pakiko? Pasobra nos ta kumpli ku Lei? Nò, pasobra ta fe ta konta!

Romanonan 9:32

Pakiko nò? Pasobra nan no a hasi esei a base di fe, pero a base di loke nan mes a presta. Nan a trompeká riba e piedra ku ta pone hende trompeká,

2 Korintionan 11:22

Nan ta hebreo? Mi tambe! Nan ta israelita? Mi tambe! Nan ta desendiente di Abraham? Mi tambe!

Galatanan 2:15

Mi ku bo ta hudiu di nasementu i no e asina yama “pekadónan no hudiu”.

Efesionan 2:11

Un tempu boso tabata pagano, ‘insirkunsidá’ manera e hudiunan, ku sí ta sirkunsidá, ta yama boso. Nan sirkunsishon ta un akto físiko hasí pa man di hende.

Revelashon 2:9

Mi sa ku ta oprimí boso; Mi sa ku boso ta pober, pero en realidat ta riku boso ta. Esnan ku ta yama nan mes hudiu, ta papia malu di boso: pero nan no ta hudiu, ta siguidónan di Satanas nan ta.

Revelashon 3:1

Skibi e angel di iglesia na Sardis lo siguiente: Esun ku tin e shete spiritunan di Dios i e shete streanan, ta bisa: Mi sa tur kos ku boso ta hasi. Mi sa ku boso ta konosí komo bibu, pero boso ta morto.

Revelashon 3:9

Tende, lo Mi sòru pa e siguidónan di Satanas, e gañadónan ei ku ta yama nan mes hudiu, pero no ta, sí, lo Mi sòru pa nan bin tira nan kurpa na boso pia i rekonosé ku Ami a stima boso.