Romanonan 13:2 - Papiamentu Bible 2013

² Ke men ku esun ku bai kontra e outoridat eksistente ta bai kontra loke Dios mes a instituí. I tur esnan ku ta bai kontra e outoridat akí ta pidi kastigu pa nan kurpa.

Beibel na Papiamentu Koriente 2013

² Ke men ku esun ku bai kontra e outoridat eksistente ta bai kontra loke Dios mes a instituí. I tur esnan ku ta bai kontra e outoridat akí ta pidi kastigu pa nan kurpa.

Romanonan 13:2 ပူးပေါင်းရင်းမြစ်များ

Éksodo 16:8

Moises a sigui bisa: ‘Awe nochi SEÑOR ta duna boso karni pa boso kome i mañan mainta E ta duna boso pan pa boso kome barika yen. Esei pasobra El a tende e lanta ku boso a lanta kunÉ. Boso a lanta ku nos wèl, pero en realidat ta kunÉ boso a lanta. Al fin i al kabo ta ken nos ta?’

Isaías 58:2

Dia aden dia afó nan ta buska mi presensia, nan ta parse ansioso pa tende kiko ta mi boluntat. Nan ta pidi Mi leinan hustu i nan ta ansioso pa aserká Mi. Nan ta hasi komo si fuera nan komportashon ta bon manera ku nunka nan no a deskuidá e mandamentunan ku Ami a proklamá pa nan.

Mateo 23:13

Ai di boso, dòktornan di lei i fariseonan! Hipókritanan! Boso ta dal porta di reino di Dios sera den kara di hende. Boso mes no ta drenta paden, ma ora otro hende ta bai drenta, boso no ta pèrmití nan. [

Marko 12:40

Nan ta hòrta propiedat di biuda; i nan ta hasi orashon largu djis pa bista di hende. Ma nan sentensia lo ta hopi mas pisá!’

Lukas 20:47

Nan ta hòrta propiedat di biuda; i nan ta hasi orashon largu djis pa bista di hende. Ma nan sentensia lo ta hopi mas pisá!’

Romanonan 13:1

Tur hende mester someté nan na esnan ku ta ehersé outoridat, pasobra outoridat ta bini di Dios i esnan eksistente tambe ta Dios a pone.

Romanonan 13:3

Esun ku ta hasi bon, no mester tin miedu di outoridat, pero esun ku ta hasi malu, sí. Bo no ke tin miedu di outoridat? Wèl, hasi loke ta bon i l'e gaba bo!

Romanonan 13:5

P'esei nos mester someté na outoridat, no solamente pa evitá kastigu, sino tambe pasobra ta un asuntu di konsenshi.

Romanonan 9:19

Awor lo bo bisa: ‘Si ta asina, kon Dios por a kulpa hende di algu antó? Pasobra ken por a resistí su boluntat?’

Tito 3:1

Rekordá tur hende ku nan mester someté nan na nan gobernantenan i esnan ku tin outoridat. Nan mester ta obedesidu, kla pa hasi tur sorto di bon obra.

Hakobo 3:1

Mi rumannan, mira pa no ta boso tur ke bira maestro, pasobra manera boso mes sa, lo husga nos ku ta maestro mas severo ku e otronan.

1 Pedro 2:13

Pa motibu di Señor someté boso na tur esnan ku tin un puesto di outoridat, sea ta na emperador ku tin e outoridat máksimo