Romanonan 12:11 - Papiamentu Bible 2013

¹¹ Traha ku zelo i no hasi kos di floho; sirbi Señor ku un kurason ferviente.

Beibel na Papiamentu Koriente 2013

¹¹ Traha ku zelo i no hasi kos di floho; sirbi Señor ku un kurason ferviente.

Romanonan 12:11 ပူးပေါင်းရင်းမြစ်များ

Éksodo 5:17

Pero fárao a kontestá: ‘Floho boso ta, floho! P'esei kada be boso ta pidi pèrmit pa bai ofresé SEÑOR sakrifisio.

Proverbionan 10:26

Loke binager ta pa djente i huma ta pa wowo, un floho ta pa su doño di trabou.

Proverbionan 13:4

Hende floho ta deseá i keda sin haña, hende trahadó ta prosperá.

Proverbionan 18:9

Hende floho i hende destruktivo ta resultá asta di ta ruman.

Proverbionan 22:29

Hende ku ta traha bon lo traha pa rei i no pa ken ku ta.

Proverbionan 31:15

E ta lanta mardugá pa duna su famia di kome i pa duna su kriánan e parti ku ta toka nan.

Predikador 9:10

Hasi loke bo por hasi ku bo forsa, pasobra den e graf kaminda bo ta bai no tin trahamentu, ni planiamentu, ni konosementu, ni sabiduria.

Isaías 56:10

E hendenan ku mester kuida e pueblo ta siegu, nan no ta ripará nada. Nan ta kachó muda ku ta warda kas, ni grita nan no por grita; nan ta blo drumi soña i kabishá.

Mateo 24:12

Maldat lo plama asina tantu ku amor di hopi hende lo fria,

Mateo 25:26

Ma su shon a rospond'é: “Kriá malbado i floho! Bo sa ku mi ta kosechá kaminda mi no a planta i ku mi ta hunta kaminda mi no a sembra.

Echonan 18:25

El a haña instrukshon tokante e kaminda di Señor i ku gran entusiasmo e tabata prediká i instruí korektamente tokante Hesus. Ma e tabata konosé solamente boutismo di Huan.

Echonan 20:19

Bou di lágrima i den tur humildat mi a hasi mi trabou komo sirbidó di Señor durante e tribulashonnan ku mi a haña mi aden pa motibu di kòmplòt di e hudiunan.

1 Korintionan 7:22

Pasobra un katibu ku risibí yamada di Señor, ta un hende ku Señor a hasi liber i un hende liber ku a risibí yamada di Señor, a bira katibu di Kristu.

Efesionan 4:28

Esun ku tabata hòrta, mester stòp di hòrta i kuminsá gana su pan honradamente pa asina e por yuda esnan ku ta den nesesidat.

Kolosensenan 4:1

Boso ku ta shon di katibu, trata nan na un manera hustu i korekto; tene kuenta ku boso tambe tin un Shon den shelu.

1 Timoteo 5:13

Ademas nan ta tuma pa kustumber di pasa kas pa kas i hasi kos di floho; anto esei no ta tur kos, no solamente nan ta bira floho, pero tambe hasidó di redu ku ta mete den loke no ta toka nan i ta papia loke nan no mester papia!

Hebreonan 12:28

Nos ta haña serka Dios un reino ku no por tambaliá; p'esei laga nos gradisí Dios p'esei i sirbiÉ manera E ke, ku rèspèt i temor.

Hakobo 5:16

P'esei antó, konfesá boso pikánan na otro i resa pa boso haña kura. Orashon di un hende ku ta biba di akuerdo ku boluntat di Dios tin un resultado tremendo.

1 Pedro 1:22

Boso a purifiká boso alma dor di obedesé e bèrdat i asina boso por stima otro manera ruman ku un amor sinsero; p'esei anto stima otro ku un kurason puru.

1 Pedro 4:8

Prinsipalmente, stima otro sinseramente, pasobra amor ta tapa un multitut di piká.

Revelashon 2:4

Pero esaki Mi tin kontra boso: Boso no ta demostrá mes tantu amor ku na kuminsamentu.