Romanonan 11:20 - Papiamentu Bible 2013

²⁰ Bon, a kòrta nan kita afó pa motibu di nan inkredulidat, pero abo ta pegá pa motibu di bo fe. No laga esei hasi bo orguyoso, mas bien haña miedu!

Beibel na Papiamentu Koriente 2013

²⁰ Bon, a kòrta nan kita afó pa motibu di nan inkredulidat, pero abo ta pegá pa motibu di bo fe. No laga esei hasi bo orguyoso, mas bien haña miedu!

Romanonan 11:20 ပူးပေါင်းရင်းမြစ်များ

2 Krónikanan 20:20

Su mañan mainta (manisé) trempan, ora nan tabata bai sali pa desierto di Tekoa, Yoshafat a bai dilanti i bisa: ‘Habitantenan di Huda i Herusalèm, skucha mi! Konfia den SEÑOR, boso Dios, i lo boso ta fuerte. Konfia su profetanan i boso lo logra.’

Salmo 138:6

Sí, maske SEÑOR ta elevá, E ta mira un hende humilde i djaleu ta vigilá un orguyoso.

Proverbionan 28:14

Felis e hòmber ku tin rèspèt di SEÑOR, hende kabesura ta buska su mes desgrasia.

Proverbionan 28:26

Es ku konfia den su mes, ta bobo, pero es ku anda ku sabiduria ta keda protegé.

Isaías 2:11

Orguyosonan lo mester baha nan bista, arogantenan lo ta humiliá. E dia ei SEÑOR so lo ta alsá.

Isaías 2:17

Orguyosonan lo ta humiliá, arogantenan lo mester baha kabes. E dia ei SEÑOR so lo ta alsá,

Isaías 66:2

Tur loke boso ta mira ta Mi propio man a traha, tur kos ta eksistí danki na Mi, t'esei Mi ta bisa boso. Ami ta pone atenshon riba hende humilde ku kurason arepentí, riba hende ku ta skucha mi palabra ku temor.

Habakuk 2:4

T'esaki bo mester skibi: Hende ku su kabes a susha no ta salba su bida, pero hende hustu ta keda na bida, pasobra nan ta fiel na Señor.

Sofonías 3:11

Ora e dia ei yega, boso, mi pueblo, no mester tin bèrgwensa, ku boso a lanta kontra Mi i a kometé asina tantu maldat. Pasobra e ora ei Mi ta bai apartá for di den boso seno tur ku ta papia ku tono orguyoso i arogante i boso lo no komportá boso sobèrbè riba mi seru santu.

Lukas 18:14

Mi ta bisa boso: ta e kobradó di belasting ei a baha bai kas na bon ku Dios. Pasobra tur hende ku alsa su mes, lo keda humiliá, ma esun ku humiliá su mes, lo keda alsá.’

Echonan 18:6

Ora nan a sigui oponé n'e i asta a kuminsá hasi bofon di loke e tabata bisa, el a sakudí stòf kita for di su paña komo atvertensia na nan i a bisa: ‘Si boso bai pèrdí ta boso mes falta! Mi konsenshi ta limpi! Anto for di awor mi ta traha bou di e no hudiunan.’

Romanonan 11:18

Pero no menospresiá e takinan original sí! Si bo ke hasié tòg, kòrda sí ku no ta abo ta sostené e rais, ma ta e rais ta sostené bo.

Romanonan 11:21

Pasobra si Dios no a spar ni e takinan original, lo E no spar abo tampoko!

Romanonan 12:16

Biba den harmonia ku otro. No sea orguyoso, pero hasi trabou humilde. No sea arogante.

Romanonan 12:3

Dios a duna mi un enkargo, p'esei mi por bisa kada un di boso: no pensa ku boso ta mas di loke boso ta, pero sea realístiko. Kada ken mester tin un konsepto humilde di su mes, di akuerdo ku e midí di fe ku Dios a dun'é.

Romanonan 3:3

pero algun di nan no tabata fiel n'E! Akaso esei ke men ku Dios ta stòp di ta fiel na nan?

1 Korintionan 10:12

P'esei esun ku ta kere ku e ta pará firme, mester ta kouteloso pa e mes no kai!

1 Korintionan 15:1

Awor, rumannan, mi ke pa boso kòrda e bon notisia ku mi a prediká na boso. Ta e bon notisia ei boso a aseptá i ta riba dje boso ta firme pará.

1 Korintionan 16:13

Sea alerta i para firme den fe, tene kurashi i sea fuerte.

2 Korintionan 1:24

No ku nos ke hasi manera ta boso doño nos ta, pasobra boso ta firme den boso fe kaba. Nos ke djis kolaborá ku boso pa hasi boso kontentu.

2 Korintionan 10:5

i kada atake dirigí kontra konosementu di Dios. Nos ta arestá kada pensamentu, pon'é obedesé Kristu.

Filipensenan 2:12

Amigunan stimá, boso a obedesé mi semper. P'esei sigui traha ku temor i rèspèt pa boso salbashon tin resultado konkreto den boso bida, no solamente manera boso tabata hasi ora mi tabat'ei, ma awor mas ku nunka den mi ousensia.

Kolosensenan 2:7

Sòru pa boso ta ankrá profundamente den djE i laga E ta fundeshi di boso bida. Keda firme den e fe ku a siña boso i laga palabra di gradisimentu na Dios brota sali for di boso boka.

2 Tesalonisensenan 2:4

E hòmber ei ta esun ku ta lanta kontra tur loke ta karga nòmber di Dios i ta digno di adorashon, i ta alsa su mes riba nan. E ta yega asina leu ku e ta bai sinta den tèmpel di Dios i proklamá públikamente ku t'é mes ta Dios!

1 Timoteo 6:17

Taha e hendenan riku di e mundu akí di bira orguyoso i pone nan speransa den rikesa, pasobra e ta algu insigur. Mihó nan pone nan speransa den Dios ku ta proveé nos ku tur kos na abundansia pa nos por gosa di nan.

Hebreonan 3:12

Mi rumannan, paga tinu pa ningun di boso, pa medio di un aktitut robes, no bira infiel na Dios bibu i bira lomba p'E.

Hebreonan 3:19

Ta kla, ku nan no por a drenta e lugá di deskanso pasobra nan no tabatin fe.

Hebreonan 4:11

Ban hasi esfuerso antó pa drenta e lugá di deskanso ei, di manera ku ningun hende no ta muri dor di sigui mal ehèmpel di esnan den desierto, ku no a obedesé.

Hebreonan 4:6

Esnan ku a tende e bon notisia promé, no a drenta e lugá di deskanso antó pa motibu di nan desobediensia, pero ainda e posibilidat pa hende drenta e lugá di deskanso ta keda eksistí.

Hakobo 2:19

Bo ta kere ku ta un Dios so tin? Ta bon ku bo ta kere esei, pero asta e demoñonan ta kere esei i nan ta tembla di miedu!

Hakobo 4:6

Pero Dios ta bondadoso i ta duna nos hopi mas, manera Skritura ta bisa: ‘Dios ta resistí esnan orguyoso, pero E ta duna esnan humilde grasia.’

1 Pedro 1:17

Boso ta yama Dios boso Tata; E ta Esun ku ta husga tur hende di akuerdo ku loke nan hasi, sin tuma parti pa niun. P'esei sòru biba ku temor p'E, tanten boso ta riba e mundu akí komo strañero!

1 Pedro 5:12

Mi a skibi boso e karta kòrtiku akí ku yudansa di Silas, ku na mi opinion ta un ruman konfiabel. Pa medio di e karta akí mi ke kurashá boso i sigurá boso ku esaki ta e grasia berdadero di Dios. Para firme den e grasia ei!

1 Pedro 5:9

Resistié, firme pará den boso fe, sabiendo ku den henter mundu boso rumannan kreyente ta pasando den e mesun sufrimentu.

Revelashon 18:7

Kous'é mes tantu doló i fèrdrit ku e luho i dekadensia ku el a pèrmití su mes. Pasobra e ta bisa den su mes: “Mi ta sinta manera un reina riba mi trono! Mi no ta biuda, mi no tin mester di bisti rou nunka.”

Revelashon 3:17

Boso ta pretendé: “Mi ta riku, mi a duna mi mes de todo, mi no tin mester di nada.” Pero boso no ta realisá ku boso ta infelis, deplorabel, pober, siegu i sunú.