Revelashon 8:1 - Papiamentu Bible 2013

¹ Ora e Lamchi a kibra e di shete seyo, a bira ketu den shelu pa mas o ménos mei ora.

Beibel na Papiamentu Koriente 2013

¹ Ora e Lamchi a kibra e di shete seyo, a bira ketu den shelu pa mas o ménos mei ora.

Revelashon 8:1 ပူးပေါင်းရင်းမြစ်များ

Job 4:16

Tabata un figura — mi n' sa di kiko — e tabata pará mi dilanti. Tabata reina un silensio, m'a tende un stèm:

Salmo 37:7

Warda trankil loke SEÑOR lo hasi, sigui sper'É: E ta yuda. No kunsumí ku un hende ku tin éksito, e hòmber ku ta traha ku intriga.

Salmo 62:1

Serka Dios so mi alma ta na pas, ta di djE mi salbashon ta bini.

Habakuk 2:20

Pero SEÑOR ta biba den su tèmpel sagrado; mihó tur hende keda ketu den su presensia.’

Zakarías 2:13

Tur loke tin rosea, keda ketu den presensia di SEÑOR! Pasobra E ta bai sali for di su kas sagrado.

Mateo 27:66

Nan a bai i despues di a seya e graf, nan a laga e sòldánan pa vigilá.

Revelashon 5:1

E ora ei mi a mira den man drechi di Esun sintá riba e trono un ròl, skibí di paden i di pafó i seyá ku shete seyo.

Revelashon 5:9

I nan tabata kanta un kantika nobo: ‘Bo ta digno di tuma e ròl i kibra su seyonan. Pasobra a mata Bo i ku bo sanger Bo a kumpra hende liber pa Dios for di kada tribu i idioma, for di kada pueblo i rasa.

Revelashon 6:1

Mi a mira ku e Lamchi a kibra e promé di e shete seyonan i mi a tende e promé di e kuater sernan grita bisa mes duru ku bos: ‘Bini!’

Revelashon 6:12

Mi a mira e Lamchi kibra e di seis seyo. A sigui un temblor fuerte; solo a bira pretu manera paña di rou i luna a bira tur kòrá manera sanger.

Revelashon 6:3

Ora e Lamchi a kibra e di dos seyo, mi a tende e di dos ser grita: ‘Bini!’

Revelashon 6:5

Ora e Lamchi a kibra e di tres seyo, mi a tende e di tres ser grita: ‘Bini!’ Mi a mira un kabai pretu aparesé; esun sintá riba dje tabatin un balansa den su man.

Revelashon 6:7

Ora e Lamchi a kibra e di kuater seyo, mi a tende e di kuater ser grita: ‘Bini!’

Revelashon 6:9

Ora e Lamchi a kibra e di sinku seyo, mi a mira bou di e altá alma di e hendenan ku a muri asesiná, pasobra nan a tene nan na palabra di Dios i na e testimonio di Hesus.