Revelashon 3:19 - Papiamentu Bible 2013

¹⁹ Mi ta skual i disipliná kada un ku Mi ta stima. Sea antó yen di zelo i kombertí boso!

Beibel na Papiamentu Koriente 2013

¹⁹ Mi ta skual i disipliná kada un ku Mi ta stima. Sea antó yen di zelo i kombertí boso!

Revelashon 3:19 ပူးပေါင်းရင်းမြစ်များ

2 Samuel 7:14

Ami lo ta un tata p'e i e lo ta un yu pa Mi. Ora e hasi kos malu Mi ta kastig'é i sut'é ku un palu manera un tata ta hasi.

Job 5:17

P'esei felis e hende ku SEÑOR skual; e no mester tuma na malu ora SEÑOR todopoderoso koregié.

Salmo 39:11

Kastigando kulpa di hende Bo ta dun'é skremènt; manera mòt Bo ta kome su ilushon; hende no ta mas ku un rosea.

Salmo 6:1

SEÑOR, no kastigá mi den bo rabia, ai, no suta mi den bo furia.

Salmo 69:9

Mi ta kima di zelo pa bo kas; e ofensanan di esnan ku ta insultá Bo ta riba mi kabes nan ta kai.

Salmo 94:10

Lo E no duna kastigu, E ku ta suta nashonnan? N' ta E mes ta duna hende su saber?

Proverbionan 15:10

Es ku desviá di e bon kaminda ta haña kastigu pisá, es ku odia korekshon ta muri.

Proverbionan 15:32

Es ku despresiá korekshon, no ta stima su mes; es ku tende ora koregié ta haña komprenshon.

Proverbionan 22:15

Mucha tin tendensia di hasi ko'i bobo, pero e ta stòp ora e haña un halá 'i sota.

Isaías 26:16

SEÑOR, ora hende ta den pèrtá, ta serka Bo nan ta buska yudansa; pero ora Bo kastigá, nan ta purba di para bo kastigu murmurando fórmulanan mágiko.

Yeremías 10:24

Koregí nos, SEÑOR, pero ku moderashon, no lòs bo ira laga bai, pasobra esei lo ta nos fin.

Yeremías 2:30

‘Mi a kastigá boso yu 'i teranan, pero tantu bal, boso no a siña nada; manera leon feros boso spadanan a habraká e profetanan ku Mi a manda pa boso.’

Yeremías 30:11

Pasobra Mi ta ku bo i lo salba bo,’ SEÑOR ta deklará, ‘Mi ta bai kaba ku tur e pueblonan, kaminda Mi a plama bo; pero abo sí mi no ta destruí, maske Mi tin ku disipliná bo sí, manera bo a meresé, pasobra Mi no por laga bo bai sin mas.’

Yeremías 31:18

M'a tende bon kla, kon e hendenan di Efraim tabata grita i lamentá: “Bo a suta nos, SEÑOR, pasobra nos tabata manera un toro yòn i brabu, pero al fin i al kabo Bo a mansa nos. Trese nos bèk serka Bo, e ora ei di bèrdat nos lo bolbe bira kara pa Bo, pasobra Abo ta SEÑOR, nos Dios.

Yeremías 7:28

Bisa nan: Boso ta un pueblo ku ta nenga di skucha SEÑOR, boso Dios, i ku no ta aseptá korekshon. Fieldat a muri, e no ta eksistí mas!”

Sofonías 3:2

E no ta skucha niun atvertensia, no ta aseptá korekshon di niun hende, e no ta konfia den SEÑOR, no ta buska yudansa serka su Dios.

Mateo 25:7

Tur e hobensitanan a lanta i a kuminsá prepará nan lampi.

Huan 2:17

E disipelnan a kòrda ku Skritura ta bisa: ‘Zelo pa bo kas, o Dios, lo kima den mi manera kandela!’

Romanonan 12:11

Traha ku zelo i no hasi kos di floho; sirbi Señor ku un kurason ferviente.

1 Korintionan 11:32

Pero awor E ta kastigá i koregí nos pa E no kondená nos huntu ku esnan ku ta pertenesé na e mundu akí.

2 Korintionan 6:9

Ta trata nos manera hende deskonosí, kaba nos ta bon konosí. Ta hasi komo si fuera nos ta morto, kaba nos ta yen di bida; nos ta haña kastigu, pero nos no ta muri sí!

2 Korintionan 7:11

Boso tristesa tabata di un manera ku ta agradá Dios i mira e resultado awor! Mira kuantu zelo boso a mustra, kon boso a defendé boso mes i mustra indignashon! Mira boso ansha, boso deseo profundo pa mira mi, boso esfuerso i boso manera di kastigá maldat! Den tur forma boso a demostrá ku boso no tin falta mas den e asuntu akí.

Galatanan 4:18

Ta bunita bringa pa un bon kousa, pero hasié tur ora, no solamente ora mi t'ei!

Deuteronomio 8:5

Komprondé esaki bon bon: SEÑOR, boso Dios, a papia ku boso manera un tata ta papia ku su yu.

Tito 2:14

Ta Hesu-Kristu a entregá su bida pa nos pa por libra nos di tur maldat i purifiká nos, di manera ku nos por bira su mes pueblo, zeloso pa hasi bon obra.

Hakobo 1:12

Felis ta e hende ku ta para firme no opstante e pruebanan ku e ta pasa aden. Ora e pasa e pruebanan ku éksito, lo e risibí bida komo premio, un korona ku Dios a primintí esnan ku ta stim'É.

Revelashon 2:5

Kòrda for di kon altu boso a kai. Kombertí i hasi atrobe loke boso tabata hasi na kuminsamentu. Sino, si boso no kombertí, Ami ta bini serka boso i lo Mi kita boso kandelar for di su lugá!