Revelashon 22:10 - Papiamentu Bible 2013

¹⁰ Ademas el a bisa: ‘No tene e mensahe profétiko di e buki akí sekreto, pasobra ora di su kumplimentu ta serka.

Beibel na Papiamentu Koriente 2013

¹⁰ Ademas el a bisa: ‘No tene e mensahe profétiko di e buki akí sekreto, pasobra ora di su kumplimentu ta serka.

Revelashon 22:10 ပူးပေါင်းရင်းမြစ်များ

Isaías 13:6

Dal gritu di lamento, pasobra dia di SEÑOR su kastigu ta aserkando. E dia ta bini ku forsa desastroso di parti di Dios Todopoderoso.

Isaías 8:16

Mester mara e relato di tur esaki bon mará i warda e instrukshon seyá serka mi disipelnan.

Ezekiel 12:23

Ami, SEÑOR Dios, lo perkurá pa nan no usa e dicho akí mas na Israel. Bisa nan: No ta dura hopi mas ku kada vishon ta bira realidat.

Daniel 12:4

Pero abo, Daniel, tene e palabranan akí sekreto. E buki mester keda seyá te ora e fin yega. Hopi hende lo studi'é i konosementu lo oumentá.”

Daniel 12:9

El a kontestá: “Bai numa, Daniel, pasobra e buki ta keda seyá i e kontenido ta keda sekreto te ora e fin yega.

Daniel 8:26

E vishon ku bo a haña splikashon di dje i ku ta trata di e atardinan i di e maintanan, bo por konfia. Pero ten'é sekreto, pasobra ta trata di algu leu den futuro ainda.”

Mateo 10:27

Loke Mi bisa boso den skuridat, proklam'é di dia kla; loke bisa boso ketu ketu, grit'é na bos altu for di riba dak!

Romanonan 13:11

Den tur esaki, tene kuenta ku e tempu ku nos ta biba aden i sa ku e ora a yega pa boso lanta for di soño. Pasobra awor akí nos salbashon ta mas serka ku tempu nos a kuminsá kere den e bon notisia.

Romanonan 13:12

Ta lat den anochi kaba i di dia ta serka di habri; p'esei ban pone tur obra di skuridat un banda i bisti armadura di lus.

2 Tesalonisensenan 2:3

No laga niun hende gaña boso di ningun manera, pasobra promé ku Señor bini, ta bini e rebeldia kontra Dios i tambe e hòmber ku ta personifikashon di maldat, esun destiná pa pèrdishon.

1 Pedro 4:7

Fin di tur kos ta serka! P'esei boso mester ta prudente i alerta pa boso por dediká boso na orashon.

Revelashon 1:11

‘Skibi loke bo mira den un buki, i mand'é pa e iglesianan na e shete siguiente lugánan: Éfese, Smirna, Pergamo, Tiateira, Sardis, Filadelfia i Laodisea.’

Revelashon 1:3

Felis esun ku lesa palabra di e profesia akí pa otro hende tende, i felis esnan ku skucha nan i tuma nan kontenido na pechu, pasobra e tempu ku e kosnan akí ta bai sosodé ta serka.

Revelashon 10:4

Ora nan a kaba di zona, mi ker a bai skibi, pero mi a tende un stèm for di shelu bisa: ‘Tene loke e shete klapnan di bos a bisa sekreto; no skibié!’

Revelashon 22:16

Ami, Hesus, a manda mi angel pa anunsiá tur e kosnan akí na boso den e iglesianan. Mi ta David su desendiente, e strea di mardugá briante.’

Revelashon 22:18

Ami, Huan, ta deklará na tur hende ku tende e mensahe profétiko di e buki akí: si un hende añadí algu n'e, Dios lo añadí e plaganan ku tin skibí den e buki akí na e hende ei.

Revelashon 22:20

Esun, ku ta deklará esaki, ta bisa: ‘Sigur, Mi ta bini pronto!’ Amèn! Bini Señor Hesus!

Revelashon 22:7

Tende, Mi ta bini pronto. Felis esnan ku ta tuma e mensahe profétiko di e buki akí na pechu.’

Revelashon 22:9

Pero el a bisa: ‘Stòp! Ta un sirbidó mi ta, meskos ku bo i bo rumannan, e profetanan i esnan ku ta tuma mensahe di e buki akí na pechu. Adorá Dios!’

Revelashon 5:1

E ora ei mi a mira den man drechi di Esun sintá riba e trono un ròl, skibí di paden i di pafó i seyá ku shete seyo.