Revelashon 2:19 - Papiamentu Bible 2013

¹⁹ Mi sa tur kos ku boso ta hasi. Mi konosé boso amor, fe, servisio i perseveransia i Mi sa ku awor boso ta hasi mas tantu ku na kuminsamentu.

Beibel na Papiamentu Koriente 2013

¹⁹ Mi sa tur kos ku boso ta hasi. Mi konosé boso amor, fe, servisio i perseveransia i Mi sa ku awor boso ta hasi mas tantu ku na kuminsamentu.

Revelashon 2:19 ပူးပေါင်းရင်းမြစ်များ

Job 17:9

Nan ta sigui nan kaminda; nan man limpi ta haña dia pa dia mas forsa.

Salmo 92:14

ta karga fruta te den nan behes; nan ta keda bèrdè i fresku,

Proverbionan 4:18

Pero bida di un hende hustu ta manera salida di solo: ora pa ora e ta bira mas kla, te ora e yega su punto mas altu.

Lukas 1:23

Ora su temporada pa sirbi den tèmpel a pasa, el a bai kas.

Huan 15:2

E ta kita tur taki fo'i Mi ku no ta karga fruta, i E ta snui tur taki ku sí ta karga fruta, pa nan karga mas fruta ainda.

Kolosensenan 3:14

I huntu ku tur esaki pone amor tambe; amor ta mara boso tur huntu den un union perfekto.

1 Tesalonisensenan 3:6

Pero awor ei Timoteo a kaba di yega fo'i Tesalónika ku bon notisia tokante boso fe i amor, tambe ku boso semper a keda ku bon rekuerdo di nos i ku mashá gana di mira nos, meskos ku nos tambe tin gana di mira boso.

2 Tesalonisensenan 1:3

Rumannan, ta nos deber pa semper yama Dios danki pa boso. Anto ta bon pa hasi esei, pasobra boso fe ta kresiendo abundantemente i e stimashon ku boso tin pa otro ta oumentando.

1 Timoteo 1:5

Ma propósito di proklamashon di plan di Dios ta pa promové amor ku ta sali di un kurason puru, un konsenshi limpi, i fe berdadero.

1 Pedro 4:8

Prinsipalmente, stima otro sinseramente, pasobra amor ta tapa un multitut di piká.

2 Pedro 1:7

e rèspèt ei na kariño pa e rumannan i laga e kariño ei kondusí boso na amor pa tur hende.

2 Pedro 3:18

Pero sigui krese den grasia i konosementu di nos Señor i Salbador Hesu-Kristu. Gloria n'E, awor i pa semper! Amèn!

Revelashon 2:13

Mi sa unda boso ta biba: aya kaminda trono di Satanas ta. Tòg boso ta keda fiel na mi nòmber i boso no a nenga boso fe den Mi, ni den e tempu ku a mata Antipas, mi testigu konfiabel, den boso siudat kaminda Satanas ta biba.

Revelashon 2:9

Mi sa ku ta oprimí boso; Mi sa ku boso ta pober, pero en realidat ta riku boso ta. Esnan ku ta yama nan mes hudiu, ta papia malu di boso: pero nan no ta hudiu, ta siguidónan di Satanas nan ta.